Read Kalanga Njimbo 57 Bible Online

Njimbo 57 - Kalanga bible

Njimbo 57

¹Ibeni nge ngoni mundili Ndzimu, mundihwile ngoni, ngobe mu muli meya yangu inowana dizhilo, mu ntutshi we mapapilo enyu ndowana dizhilo, kuswikila matutu e golomodzo epinda.

²Ndolilila ku Ndzimu Upezhugwi zhugwi, ku Ndzimu iwo unozhadzisa kuda kwawo, uthamila imi.

³Unowotumila uli kudzimu ukanditjidza, unowobhatisa shoni ibabo banonditshamba nge makumbo. Ndzimu unowotumila ludo gwawo gusingazunguzike nenge kugalikabgwe kwawo.

⁴Ndilele pasi pakati kwe shumba dzino zandabula bathu kwe bugovu; meno adzo mathumo ne misebe, ndimi dzabo mipanga ye ngwa inopitsha.

⁵Kudziwani Ndzimu kupinda mazhuzhugwi. Gudzo lenyu ngalibe mu shango yose.

⁶Bakateya nge dati pandinotshamba meya yangu yakabe yakashoba kwazo. Bakatsha gomba mu zila yangu, koga bakawila mulili ibo.

⁷Moyo wangu wakadzikama, imwi Ndzimu, moyo wangu wakadzikama. Ndowomba lumbo athama nlidzo unozipa.

⁸Muka meya yangu! Muka tjilidzo tje dende ne tje laya, ndowobinduka mazhokuyedza.

⁹Ndowoyisa mboko yangu kumuli, She pakati pe bathu; ndowomba njimbo dzinomukudza pakati pe zwitjaba.

¹⁰Ngobe ludo gwenyu gusingazunguzike bukulukulu goswika pezhugwizhugwi; kugalikabgwe kwenyu koswika ku makole.

¹¹Kudziwani, Ndzimu, kupoteleka makole ndiyeno gudzo lenyu ngalibe mu shango yose.