Read Kalanga Njimbo 58 Bible Online

Njimbo 58 - Kalanga bible

Njimbo 58

¹Apa imwi balauli motongoleba tje malebeswa kene? Apa motongosumikilisa bathu kwakatambunuka kene?

²Aa, moalakana zwisakalulwama mu mimoyo yenyu; moshingisa maboko enyu kugwa mu shango.

³Babi banopanduka batjazwagwa; banotjinya kudwa mukuzwagwa kwabo, beleba manyepkhwa.

⁴Bana bushungu gunonga gwe nyoka se thumbi isingahwe inozwizwina zebe,

⁵kuti ndizo isihwe hwi le bazanisi be nyoka na ibabo banolidzila nyoka nyele bedzizanisa kene bedzitshumwayidza,

⁶Ndzimu, vunani meno abo; simulani meno e shumbana idzedzi, Yahwe!

⁷Ngabanyelele, se vula yawunga; ngabatshambiwe se bushwa bawomelele.

⁸Ngabange mannyongovi tjinonyelela mu dope; bange mwana washayiwa, usabona ilo zhuba.

⁹Tjinyolotjo hali dzenyu dzisathu dzikahwa moto we mihwa, minyolo kene inothuta, dzene Ndzimu ungabatshwayila ukabalasha!

¹⁰Balulwami banowoshatha abebona mbuzuludzo ithamwa; banowongula makumbo abo mu malopa e babi.

¹¹Bathu banowoti, “Nge malebeswa balulwami banowana mbayilo. Nge malebeswa Ndzimu unosumikilisa mu shango.”