Read Kalanga Njimbo 76 Bible Online

Njimbo 76 - Kalanga bible

Njimbo 76

¹Ndzimu unozibgwa mu Juda, zina lawo ligulu mu Iziraela.

²Nshasha wawo umu Salemu, bugalo gwawo gumu Ziyoni.

³Ndipo pawakavunila misebe yakateswa, ne tjivikili ne makanu, zwibhayano zwe ngwa.

⁴Mopenyelela makashongoloka, kupinda matombo, bugalo ndigele.

⁵Bana tjilopa bakatapigwa kose kwabo, bakayizela bakafa, akuna ne nng'ompela we bakasima wakatubula kumilidza luboko gugwe.

⁶Pamakatjemela, imwi Ndzimu wa Jakubo, koloyi dze ngwa ne mbizi dze ngwa zwakatogwa zwakaizela se zwakafa.

⁷Imwi moga ndimwi makafanilo tjiwa! Apa ndiani ungama mbeli kwenyu, ha magwadza moyo kene?

⁸Makapedza ndebo muli kudzimu, shango ikatja, ikanyalala koga,

⁹ha Ndzimu umilika usumikilisa, kutjidza bose be shango bakatshambilidziwa.

¹⁰Bushongola gwenyu mu nthu gozhisa kukudziwa kwenyu, ngono bakatjila mu bushongola gwenyu bakatubula.

¹¹Tunani ndi Yahwe Ndzimu wenyu, ngono mushingikadze zwamatuna, bose bakabapoteleka, ngabazhise zwipo ku bali bakafanila tjiwa,

¹²ibo banothubula meya ye hadzasha, ibo banolonga lutjo muna bomambo be shango.