Read Kalanga Njimbo 82 Bible Online

Njimbo 82 - Kalanga bible

Njimbo 82

¹Ndzimu ugele mu bugalo gwawo mu gubungano, unosumikilisa uli pakati kwe midzimu.

²“Apa kowodza kukabe lini musumikilisa nge kusakatambunuka, mulakidza kumilila babi kene?

³Imani ne basina matatabuko ne siyang'wa, tjengetani fanilo dze bashayi ne bakatshambilidziwa.

⁴Gwilani basina matatabuko ne basheti, mubaangule mu maboko e babi.”

⁵Abana luzibo ndodwa kene ili hwisiso, banoyendayenda mu zhalima, thiwa dzose dze shango dzotengenyeka.

⁶Ndakati, “Imwi mu midzimu, bana be Upezhugwi zhugwi, imwi mose.

⁷Nenguba kwaka jalo, mowofa se bathu koga, kakale mowowa se nkololo mmwe ne mmwe we bushe.”

⁸Milikani, imwi Ndzimu, musumikilise shango, ngobe zwitjaba zose nde zwenyu!