Read Kalanga Njimbo 83 Bible Online

Njimbo 83 - Kalanga bible

Njimbo 83

¹Imwi Ndzimu, musinyalale koga, musidzikame koga makati hwuu, imwi Ndzimu!

²Bonani sekwa zwita zwenyu zwamumukila, ibabo bakamubenga bamilidza misholo yabo.

³Banolukila bathu benyu gwanga, banolangana kuti bagwise ibabo bamunobakilila.

⁴Banoti, “Izhani, ngati balobeseni bose, zina le Iziraela lisitongotjafa lakumbugwa ndodwa.”

⁵Banolangana bakadumana, bethama tjidumano nge kwenyu,

⁶mishasha ye Edomu ne Baishimaela, Moabu ne Bahagiri,

⁷Gebhala na Amoni na Amaleke, Filisitiya ne bagali be Tire,

⁸Asiriya na iye wazwibhatshanya nabo, ndibo babhayani bakasima be bana ba Lote.

⁹Bathamileni tjamakathama ne Midiya, ne Sisera ne Jabhini ku gwizi gwe Kishoni,

¹⁰bakakolomogwa ku Endo, bakabe dokonobe linodigwa mu mavu.

¹¹Thamilani banokudziwa tjamakathama ne Orebhe ne Zeebhi, hadzasha dzabo Zebha na Zalimuna,

¹²ibo bakati, “Ngatizwitolegweni shango ye Ndzimu ibe yedu.”

¹³Ndzimu wangu, mubathame bange hwuluba ye tjampupudze, bange bunye gunotogwa nge phepo.

¹⁴Se moto upisa ishaka, kene se nthuto upisa matombo.

¹⁵Mubatutudze nge dutu lenyu, mubuye mubatjise nge dutu gulu.

¹⁶Njiso dzabo mudziambadze nge shoni, kuti ndizo bashake zina lenyu, imwi Yahwe.

¹⁷Ngababhatisiwe shoni kakale bahwumanyiwe nge kusingapele, ngabalobe bakalengudzika.

¹⁸Ngabazibe kuti mumoga, imwi be zina linoyi Yahwe, muli pezhugwi zhugwi kwe shango yose.