Read Kalanga Njimbo 91 Bible Online

Njimbo 91 - Kalanga bible

Njimbo 91

¹Iye ugele mu nshasha we upezhugwi zhugwi, unogalila tjose mu ntutshi we Ndzimu Masimbawose.

²Unowoti kuna Yahwe, “Mu dizhilo langu kakale mu mbakililo yangu, Mu Ndzimu wangu, iwo wandinogalabgwe muuli.”

³Ngobe unowokuangula mu dati le nteyi we nyuni, ne mu bugwele gwakabangalala.

⁴Unowokufukidza ne misiba yawo, ngono mu mapapilo awe unowowana dizhilo, kugalikabgwe kwawo tjivikili ne mbakililo.

⁵Awutowotja zwinotjisa busiku, kene nsebe unowuluka masikati,

⁶kene bugwele gunozha mu zhalima, kene golomodzo linotjinya zhuba lili mpani.

⁷Tjiwulu (1 000) tje bathu tjingafa pawunde nawe, zwiwulu zwili gumi (10 000) ku luboko gugo gwe luji, koga golomodzo ne bugwele azwingasedzele pakuli.

⁸Koga unowolinga ukabona nge mesho awo, lobgwa kwe babi.

⁹Ngobe wakathama Yahwe dizhilo lilo, ibo bapezhugwi zhugwi bugalo gugo.

¹⁰Akuna mbipo ingakuwila, akuna zogwadza zwinowozha pawunde ne nshasha uwo.

¹¹Ngobe unowodwa batumwa bawo, kuti bakulise mu zila dzidzo dzose.

¹²Banowokugamila pezhugwi nge maboko abo, kuti ndizo usikuthiwe nge bgwe.

¹³Unowotshamba shumba ne ipakupaku nge makumbo, shumbana ne nyoka unowozwitshamba nge makumbo.

¹⁴“Ngekuti unondida, ndowon'angula, ndowombakilila, ngobe unoziba zina langu.

¹⁵Apa endidana, ndowon'dabila, ndowobe naye mu kudziyidzika, ndowontjidza kakale ankudza.

¹⁶Ndowon'gutsha nge kumpaphidzila mazhuba awe e butjilo, kakale ndowonlakidza jidzo langu.”