Read Kalanga Njimbo 96 Bible Online

Njimbo 96 - Kalanga bible

Njimbo 96

¹Mbilani Yahwe lumbo gutshwa, mbilani Yahwe, shango yose.

²Mbilani Yahwe, kudzani zina labo, lebani ngekwe jidzo labo zhuba ne zhuba.

³Lebani ngekwe gudzo la Yahwe mu zwitjaba, mishingo yabo inotjenamisa mu bathu bose.

⁴Ngobe Yahwe bankulu kwazo, kakale bakafanila kudziwa kwazo, bakafanila tjiwa kupinda midzimu yose.

⁵Ngobe midzimu yose ye zwitjaba zwifano, koga Yahwe bakathama kudzimu.

⁶Gudzo ne bushe zwimbeli kwabo, masimba ne bubuya zwimu bugalo gwabo gwakayengemala.

⁷Ipani Yahwe, imwi misha ye zwitjaba, ipani Yahwe gudzo ne masimba.

⁸Ipani Yahwe gudzo lakafanila zina labo, zhisani tjipo, mungine mu misha yabo.

⁹Namatani Yahwe mu bubuya gwakayengemala, tetemani mbeli kwabo shango yose.

¹⁰Idwani zwitjaba muti, “Yahwe banobusa! Shango yakathamwa, aitofa yatshedugwa. Banowosumikilisa bathu nge ndizandizanyo.”

¹¹Kudzimu ngakushathe, shango ngayi kholise, gungwa ngagubombe na kose kumuguli,

¹²Shango ngayi kudze na zose zwimuili. Ndizo miti yose ye ishaka inowomba nge shatho,

¹³mbeli kwa Yahwe, ngobe baswika, banozhila kuwosumikilisa shango. Banowosumikilisa shango nge ndulamo, ne bathu nge malebeswa abo.