Read Kalanga Nsumikili 12 Bible Online

Nsumikili 12 - Kalanga bible

Nsumikili 12

¹Kumbula Mbumbi uwo mu mazhuba e butjetjana gugo, mazhuba e bubi asathu aswika ne makole wosedzela pa unowobe uti, “Andina kushatha muali,”

²kusathu zhuba ne tjedza ne mwedzi ne nyenyedzi dzatundubala ne makole apadza, vula isinona,

³ipapo batjengeti be ng'umba betetema ne balume bakasima batjigogonyala, bakwiyi be gwiyo bemisa nshingo ngobe bali bashomanana ne banoshozhela ne mafesitere badzimigwa

⁴ne mikoba inobhudila ku dzizila yazhaligwa ne nsindo we gwiyo wabe pasi ne nthu e papadzuswa ne nlidzo we nyuni ne lumbo gwe bakololokadzi guli pasi,

⁵banotja ne zwipezhugwi ne zwinotjisa zwimu zila, nti we alimondi unothinila, bhombo lozwikweba ne kuyemula kokona ngobe nthu unoyenda ku nzi uwe we bupelo ne balili bano pungaila koga mu dzizila,

⁶kowoti kusathu kwatabhuka nsungo we siliva kene tjilongo tje golide tjipkhwanyika kene hali ye vula ipkhwanyikila ku tshime kene gumbgwana livunikila pa tshime

⁷ne hwuluba ibgwilila mu mavu mayakadwa ne meya ibgwilila ku Ndzimu wakaipa.

⁸Madatha e madatha, koleba Nsumikili, kose madatha.

⁹Kuzhe kwe kutjenjela, Nsumikili wakadiya bathu luzibo, kuyela zwithu ne kuzwidiya ne kulongolosa makungulupeswa nge njele hwulu.

¹⁰Nsumikili wakashaka kuti awane matama anoshathisa nge ndulamo wakakwala matama e malebeswa.

¹¹Ndebeleko dze batjenjedu dzofanana ne hwombo dzinobhaya ne mbambo dzakakothomegwa ndiko koga se matama akakubunganyiwa anopiwa ne Nlisi nng'ompela.

¹²Nkololo wangu, ube ne njele nge zwithu zwinopinda izwezwi. Kukwala hwalo njinji akutopela ne kuzwidiya kwakapindilila konyadza mbili.

¹³Bupelo gwe ndebo, kose kwahwika: Itja Ndzimu ulondolodze milayo yawo, ngobe ndiko koga nthu kwaakafanila shinga.

¹⁴Ngoti Ndzimu unowothama kuti nshingo mmwe ne mmwe usumikilisiwe, zose zwakasumbikala zwakanaka kene zwakabipa.