Read Kalanga Nsumikili 6 Bible Online

Nsumikili 6 - Kalanga bible

Nsumikili 6

¹Kuna bubi gwandakabona mu shango, ngono gopawula tjilume.

²Nthu unopiwa fumwa ne thundu ne gudzo nge Ndzimu, kuti asitongo sheta tjimwe muna zwaanoyemula, koga Ndzimu autompa simba lekuzwija, koga zowojiwa nge ntaya, ikoku madatha, banga linopanda.

³Ha nlume angazwala bana bali zana (100) ebe etjila makole manjinji mazhuba e bupenyu gugwe akabe manjinji, koga akasizipigwe nge zwibuya zwe butjilo, kakale akasibiganyike, ndoti mwana wakazwagwa tjibaka tjisathu tjaswika unoyita paunli.

⁴Ngobe kozha kuli madatha kungina mu zhalima kakale zina lako lakasumbikika mu zhalima,

⁵kakale akuzobona zhuba kene kukaziba tjimwe, koga kowana kunyaluluka kupinda iye.

⁶Nenguba angatjila makole ali zwiwulu zwibili (2 000), akuna lushatho bathu abatoyenda kundawo ing'ompela?

⁷Shinga kungapa kwe bathu kobe ku shingigwa ntumbu, koga kuyemula zojiwa akutofa kwapela.

⁸Ntjenjedu unopinda tjilengwe ngeni? Nshayi unoziba kuzwibhata mbeli kwe batjili uneni tjaanatjo?

⁹Bona kwe mesho koyita pana kupembela kwe yemula, ikoku naiko madatha e kutatana ne phepo.

¹⁰Tjimwe ne tjimwe tjakatongobepo tjakapiwa zina, kakale kozibgwa kuti nthu ini, ne kuti aanganyanyayidzane ne wakasima kumpinda.

¹¹Matama manjinji ano paphidza madatha, ngono nthu iye ungabe eyita ngeni wali?

¹²Ndiyani wali unoziba tjakanakila nthu se etjila mazhuba mashomanana koga mu butjilo gugwe gusigwatjimwe, gwaanopinda mu guli se ntutshi? Ndiyani unga budza nthu kuti kowosalani mu shango shule kwe lufu gugwe?