Read Kalanga Isaya 15 Bible Online

Isaya 15 - Kalanga bible

Isaya 15

¹Dama ngekwe Moabu. Ngoti nzi nkulu Ari wakolomogwa busiku gung'ompela, Moabu yapalala, ngoti nzi nkulu Ari wakolomogwa busiku gung'ompela Moabu yapalala.

²Diboni watathila ku magalo awe ekunamata kunolila, Moabu inolilila mizi mikulu Nebo ne Medeba. Nsholo mmwe ne mmwe watesegwa ne ndendu dzakeriwa.

³Mu zila bakazwipomba nge masaka, pezhugwi kwe ng'umba ne mu mashanganilo, mmwe ne mmwe unolila etebula mishodzi.

⁴Bathu be Heshibhoni ne Eleale banolila, mahwi abo akahwika kule kunoti ku Jahazi, ndizo babhayani be Moabu banolilila pezhugwi, moyo yabo inotetema.

⁵Moyo wangu unolilila Moabu, batizhi bayo banotizhila ku Zowa ne ku Egila Shelishiya. Ngoti panotathuka Luhiti banoyenda belila, mu zila ye Horonayimi banolila tjililo tje golomodzo.

⁶Vula dze Nimirimu dzapkhwa, bushwa gwabuna, zwinomela butshwa zotimbama, akutjina mazhani matshwa.

⁷Ndizo thundu yabakashaba ne zwabakabe bakubunganya bakazwitutila seli kwe Gorokoro le Mipopula.

⁸Ngoti tjililo tjayenda nge shango yose ye Moabu; guwo loswika ku Egilaimu, ne ku Bheerelimu.

⁹Ngoti vula dze Dimoni dzizhele malopa, koga nditjawozhisa mu Dimoni zwinyanya, ndowozhisila shumba ibabo bakapudzumuka be Moabu ne malimbelimbe mu shango.