Read Kalanga Zwipo 12 Bible Online

Zwipo 12 - Kalanga bible

Zwipo 12

¹Yahwe bakadwa Mushe bakati,

²Idwa bathu be Iziraela uti, “Ha nkadzi ezwisenga, ebe etshibama mwana we tjilume, unowotemapala kwe mazhuba ali kutendeka, kuyendidzana ne mazhuba awe e kungula kukwe, akatemapala.

³Ngono mu zhuba le buzhanakadzi, mbisana athumbigwe.

⁴Ndizo adwilile ali mu mazhuba awe e kutjenapadziwa kukwe kwe buzwele mazhuba ali makumi matatu ana matatu, asingabhate tjimwe tjakayengemala kene kuli kungina mu bugalo gwakayengemala kudzina mazhuba awe e kutjenapadziwa ewila.

⁵“Koga ha nkadzi angatshibama mwana we tjikadzi, ipapo unowotemapala tshipi dzili mbili, kuyendidzana ne mazhuba awe e kungula kukwe, ebe edwilila egala buzwele gwe kutjenapadziwa kukwe mazhuba ali makumi ali matathatu ne ali matathatu.

⁶“Ngono ha mazhuba awe e kutjenapadziwa kukwe awila, ali e mwana we tjilume kene we tjikazi, nkadzi iwoyu azhise pkhwizana ina gole ye tjibhayilo tjinopisiwa ne ngurukukwana kene njiba ye tjibhayilo tje tjibi, ku mpirisiti mbeli kwe nkoba we nshasha we bushanganilo.

⁷Mpirisiti unoyisa tjibhayilo mbeli kwa Yahwe egadzanya nkadzi iwoyu na Yahwe, ndizo nkadzi unowotjenapadzigwa buzwele gugwe. Oyu ndiwo nlayo we nkadzi atshibama mwana, ali we tjilume kene we tjikadzi.

⁸“Ha asingatubule kudusa pkhwizana, atole njiba mbili kene ngurukukwana mbili, imwe ili ye tjibhayilo tjinopisiwa imwe ili ye tjibhayilo tje tjibi, ngono mpirisiti unowogadzanya nkadzi iwoyu na Yahwe, ngono unowotjenapala.”