Read Kalanga Zwililo 5 Bible Online

Zwililo 5 - Kalanga bible

Zwililo 5

¹Kumbulani imwi Yahwe tjakatishingikalila, lingani, mubone kulengudzika kwedu!

²Thaka yedu yatjibe ye bataya, mizi yedu yatjibe ye bazhi.

³Tatjibe siyang'wa dzisina botate, bomme bedu batjibe tjilikadzi.

⁴Tolipa vula yatinong'wa nge mari, hwuni todziwana ngotenga.

⁵Batatamili bedu bapa zwitshitshino zwedu, tanyala atitowana kunyaluluka.

⁶Takazwipa ku Egipiti ne Asiriya, kuti tiwane zojiwa tigute.

⁷Bobatategulu bedu bakatjinya ngono abatjipo, ngono tolobgwa shamu ye matjinyo abo.

⁸Balanda banotibusa, akuna ungatisunungula mu simba labo.

⁹Towana tjatingaja ngolonga matjilo edu mu mbhatsha, ngekwe thumo mu tjilambanyika.

¹⁰Makanda edu anopisa se vutho, tina luzhazhamo nge zhala.

¹¹Bakadzi bakadzugwa mu Ziyoni, baanadi mu mizi ye Juda.

¹²Makulukota akasungiligwa, sholotjena adzitotetiwa.

¹³Bazhuzha banokombeledziwa kushinga ku gwiyo balisana banodengadenga nge mitolo ye hwuni.

¹⁴Sholotjena adzitjagala ku mikoba ye nzi nkulu, bazhuzha abatjalidza zwilidzo zwabo.

¹⁵Kushatha kwe mimoyo yedu kwakama, zana kwedu kwatjishanduka tjililo.

¹⁶Tjiala tjakawa mu misholo yedu. Yee mme wee! Tapalala ngobe takatjinya!

¹⁷Ngekwa ikoku mimoyo yedu yakatimbama, ngekwe zwithu izwezwi mesho edu aatjabona ngolila,

¹⁸ngoti Dombo le Ziyoni latjibe dongo, phungubgwe dzozanila mulili.

¹⁹Koga imwi Yahwe mobusa nge kusingapele, tjigalo tjenyu tje bushe tjodwa mu tjizekugwana kunoti ku tjizekugwana.

²⁰Ini mugala mutikangang'wa kene? Ini mungatifupatila tjibaka tjingapa kene?

²¹Mutibgwilize kakale kumuli imwi Yahwe, kuti ndizo tibgwilile, bgwilizani mazhuba edu ange a ntolo!

²²Kene makatilashila tjatjose? Ne kugwadzamoyo kwenyu nge kusina tjilizanyo kene?