Read Kalanga Ezekiele 28 Bible Online

Ezekiele 28 - Kalanga bible

Ezekiele 28

¹Dama la Yahwe lakazha kundili liti,

²“Nkololo we nthu, idwa mbusi we Tire uti, She Yahwe bakati, “ ‘Se uzwida, ubuya uti, “Imi ndi ndzimu. Ndigele mu tjigalo tje midzimu, pakati kwe makungwa.” Koga iwe u nthu aute uli ndzimu nenguba uzwidwa uti wakatjenjela se ndzimu.

³Bona wakatjenjela kupinda Daniyele, uti akuna ikohwa tjakasumbikala ku kuli.

⁴Nge butjenjedu gugo nenge kuhwisisa kuko wakazwikubunganyila fumwa, ukazwikubunganyila golide ne siliva mu mbiganyilo dze fumwa iyo.

⁵Nge butjenjedu gugo bukulu mu kutengesa wakawatsha fumwa iyo ngono ukazwida ngekwe fumwa iyo.

⁶“ ‘Ndizo wali She Yahwe bakati, “ ‘Se ufananya nkumbulo uwo newe ndzimu,

⁷ndizo bona, ndowozhisa bataya kubhayana nawe, be ludzi gwakabangalala mu njudzi dzose banowobhata mathumo kugwa ne bubuya gwe butjenjedu gugo banowotjinya kunaka kuko.

⁸Banowokuyisa pasi mu gomba ngono unowofa lufu gwakabipa pakati kwe makungwa.

⁹Apa unowobe utjati, “Ndi ndzimu,” uli pana ibabo banokubulaya kene? Unowobe uli nthu koga usi ndzimu mu maboko aibabo banokubulaya.

¹⁰Unowofa lufu gwe nthu usakathumba nge maboko e bataya, ngoti imi She Yahwe ndaleba.’ ”

¹¹Dama la Yahwe likazha kakale kundili liti,

¹²“Nkololo we nthu, lilila mambo we Tire undwe uti, ‘She Yahwe bakati, “ ‘Iwe wakabe uli tjilakidzo tje kupelela uli zhele butjenjedu wakanaka kwakapelela.

¹³Wakabe uli mu Edeni, nnda we Ndzimu bgwe limwe ne limwe lakanaka lakabe lakakunakisa Kaneliani ne topazi ne yasiperi ne dayimani ne onikisi ne tukhoise safire ne emeralidi, mabgwe iyawa akabe akalumanyiwa nge golide zwithamigwa iwe. Muzhuba lawakabumbiwa zwakathamiwa.

¹⁴Iwe u kherubhu yakazhodziwa inobakilila, ndaka kuthama wakajalo. Wakabe uli mu dombo lakayengemala le Ndzimu, uyenda pakati pe mabgwe ana moto.

¹⁵Wakabe wakatambunuka mu zila dzidzo kudwila mu zhuba lawakabumbiwa kuswikila jinyo liwang'wa mu kuli.

¹⁶Nge kuwanda kwe thundu yaunotengesa wakada kumukilana ngono ukatjinya. Ndizo ndakakulasha se tjakabipa kudwa mu Dombo le Ndzimu ngono akutata iwe kherubhu inobakilila kudwa pakati kwe mabgwe ana moto.

¹⁷Wakati ukazwida mu moyo uwo ngekwe bubuya gugo, wakatjinya butjenjedu gugo ngekwe kunaka kuko. Ndakakulashila pasi, akubonyolola mbeli kwa bomambo kuti bakubone.

¹⁸Nge kuwanda kwe matjinyo awo, nge kutengesa kusakalulwama, wakalengudza magalo awo akayengemala. Ndizo ndakathama moto kudwa mukati kuko, ngono ukakupisa ngono aku thama nlota pasi mu mesho abo bose bakakubona.

¹⁹Bose banokuziba pakati kwe njudzi bakakukaabalila. Bhelelo lilo lakabipa autjowobepo kakale.’ ”

²⁰Dama la Yahwe likazha kundili liti,

²¹“Nkololo we nthu, lingisana ne Sidoni ulebesembeli ngekwayo

²²uti, ‘She Yahwe bakati, “ ‘Ndobhayana nawe Sidoni, ngono ndowokudziwa pakati kuko. Banowoziba kuti ndimi Yahwe pandinoisumikilisa ndilakidza kuyengemala kwangu muili.

²³Ndowozhisa bugwele muili ne malopa anowotebugwa mu zila dzayo. Babulawa banowowila muuli, beligwa nge thumo linobhayana nayo mbizho dzose. Ngono ipapo banowoziba kuti ndimi Yahwe.

²⁴“ ‘Bathu be Iziraela abatjowobe ne babakidzani banonga mihwa ipakati kwabo inobabhaya, banobalingila pasi. Ndizo banowoziba kuti ndimi She Yahwe.

²⁵“ ‘She Yahwe bakati, Ndowoti ndikubunganya bathu be Iziraela kudwa mu njudzi dzabakapaladzigwa mu dzili ngono ndibe ndilakidza kuyengemala kwangu mu bali njudzi dzose dzibona, ipapo banowogala muna yabo shango yandakapa nlanda wangu Jakubo.

²⁶Banowogala nge kusununguka muili ngono bakabaka ng'umba bakalima minda ye mizhambi, bakatjila nge kunyalala imi ha ndiloba shamu babakidzani babo bakatongo babhata nge kubalingila pasi. Ngono banowoziba kuti ndimi She Yahwe.’ ”