Read Kalanga Hoseya 7 Bible Online

Hoseya 7 - Kalanga bible

Hoseya 7

¹Ndoti ndipodza Iziraela, matjinyo a Ifureimi akazumbunuka ne mishingo mibi ye Samariya. Ngoti banotjebela, mbava dzothukila mu ng'umba, makoko e batoleli anotolela mu zila.

²Koga abatoalakana kuti ndokumbula mija yabo yose mibiibi. Zwibi zwabo zwakabakomba, misi yose zwimu mesho angu.

³Bakashathisa mambo nge mija yabo mibi, nge manyepkhwa abo bakashathisa babusi.

⁴Bose koga i phombgwe banopisika se tjibeso tjinopisigwa zwibhayilo tjina moto, tjinoti mbhiki kasishete kuti atjifulushe kudwa pakuvanga bgwisa kunoti tjiwunga tjibila.

⁵Mu zhuba le nzano wa mambo wabo, makulukota banoti bakagwala begwalisiwa nge nkumbi we zhambi, mambo ebhatshanya maboko ne badadili.

⁶Mimoyo yabo inopisa se tjibeso tjinopisigwa zwibhayilo be sedzela panli nge kubilibindana. Kuzhalilana mu kugwadza moyo kwabo kokula busiku gose, mu mangwanana kube kuthuta se nthuto.

⁷Bose koga banopisa se tjibeso tjinopisigwa zwibhayilo, ngono banoja batungamili babo. Bomambo babo bose bawa ngono akuna unondidana.

⁸Ifureimi unozwishangashanganya ne njudzi Ifureimi tjiwunga tjabhikwa tjikasishandugwe.

⁹Bataya banoswipa masimba awe, koga aatobona. Mavudzi awe abe ne vi apaje na apaje, koga aatoziba.

¹⁰Kuzwida kwa Iziraela kotendeka nge kukwe, ngono nekwakajalo aatobgwilila kuna Yahwe Ndzimu uwe kene kuushaka ngekwa ikoko kose.

¹¹Ifureimi unonga njiba isina njele isina nkumbulo, Banodana Egipiti kubhatsha, bakatizhila ku Asiriya.

¹²Banowoti beyenda, abaangila nge gwanga gwangu, ndowobakwebela pasi se nyuni dzinowuluka. Ndowobaloba kuyendidzana nge mbiko yakazibisiwa gubungano labo.

¹³Yee mme wee bapalala, ngoti bakalashika nge kudwa pandili! Golomodzo nge labo, ngoti bakandipandukila!

¹⁴Abatondililila nge moyo yabo, banolila bali pezhugwi kwe malawo abo. Banokubunganila mathunde ne nkumbi we zhambi, koga bendipandukila.

¹⁵Ndimi ndakabadiya abasimisa maboko abo, koga banondilukila gwanga.

¹⁶Abatoshandukila kuna Upezhugwi, banonga dati latjishakala. Makulukota abo anowoligwa nge thumo ngekwe ndebeleko dzabo. Ikoku kowobe madado kubali mu shango ye Egipiti.