Read Kalanga Jona 2 Bible Online

Jona 2 - Kalanga bible

Jona 2

¹Ipapo Yahwe bakazhisa zhihwobe lisishoma kumidza Jona, ngono Jona wakagala mu ntumbu we hwobe mazhuba matatu ne masiku matatu.

²Kudwa mu ntumbu we hwobe Jona katembezela Yahwe Ndzimu uwe

³eti, “Ndakalilila kuna Yahwe ndili mu kumanikana, ngono bakandidabila; kudwa mukatikati kwe gomba le lufu, alila, ngono makahwa hwi langu.

⁴Makandiposela mukatikati mu ntumbu[4] we gungwa, ngono mikubila ikandikombeledza, mabundo ne matuthu ose e gungwa kapinda pezhugwi kwangu.

⁵Ipapo akumbula nditi, ‘Ndakatatigwa kutjena ne mesho enyu. Ngono ndowolinga tjini kakale ku ng'umba yenyu yakayengemala?’

⁶Gungwa gwakandikwididza gukashoko ndibulaya. Ndili mukatikati kwe vula isishoma, Imwi Yahwe, Ndzimu we bupenyu gwangu!

⁷Ndakadelukila kusi kusi ku midzi ye matombo, ngono mazhalilo e shango ye lufu akandizhalilila nge kusingapele. Koga makandidusa mu gomba, imwi Yahwe, Ndzimu wangu.

⁸Kwakati meya yangu ipela mundili, akumbula Yahwe; ntembezelo wangu ukazha kumuli mu ng'umba yenyu yakayengemala.

⁹Ibabo banothigamila midzimu isi ye tjimwe, banolasha kugalikabgwe kwabo kwe lebeswa.

¹⁰Koga imi nge hwi linoboka, ndomudusila tjibhayilo sekwa ndakatuna ndowoshingikadza. Jidzo lodwa kuna Yahwe!” Ipapo Yahwe bakalebeleka ne hwobe, ngono ikathwila Jona kuzhe ku shango.