Read Kalanga Mbalo 2 Bible Online

Mbalo 2 - Kalanga bible

Mbalo 2

¹Yahwe bakadwa Mushe na Aroni bakati,

²“Baiziraela bagale mu makotokelo abo, mmwe ne mmwe nge gupo lile pana zwilakidzo zwe ng'umba dza botate babe. Babambule mishasha yabo yakakombeledza nshasha we bushanganilo.”

³Banobiga mishasha ku bhezhuba babe be ludzi gwa Juda, bagale ne makupo abo, bali pasi kwe ntungamili sahwoku: [Ludzi] — [Ntungamili] — [Mbalo] Juda — Nashoni nkololo wa Aminadabu — 74 600 Isakari — Nethanele nkololo wa Zuari — 54 400 Zebuluni — Eliabu nkololo wa Holoni — 57 400 Bose — 186 400 Be gupo la Juda ndibo banowobhuda beyenda bali bekutanga.

¹⁰Ku burwa kowobe be ludzi gwa Rubheni nge makupo abo, banowogala pasi kwe ntungamili wabo sahwoku: [Ludzi] — [Ntungamili] — [Mbalo] Rubheni — Elizuri nkololo wa Shedeuri — 46 500 Simiyoni — Shelumieli nkololo wa Zurishadayi — 59 300 Gadi — Eliyasafu nkololo wa Reueli — 45 650 Bose — 151 450 Be gupo la Rubheni banowomilika beyenda bali be bubili.

¹⁷Shule kwa ikoku kowomilika nshasha we bushanganilo ne goko le Balevi banowomilika bali pakati kwe makupo wose, banowomilika kwakafanana mu magalo abo mmwe ne mmwe nge mamo sekwa aliiko.

¹⁸Ku golombedzo kowomilika ba pasi kwe tjilakidzo tja Ifureimi nge makupo abo, bali pasi kwe ntungamili wabo sahwoku: [Ludzi] — [Ntungamili] — [Mbalo] Ifureimi — Elishama nkololo wa Amihudi — 40 500 Manase — Gamaliel nkololo wa Pedazuri — 32 200 Bhenjamini — Abidani nkololo wa Gideoni — 35 200 Bose — 108 100 Be gupo la Ifureimi banowomilika beyenda bali be butatu.

²⁵Ku bunandzwa kowomilika ba pasi kwe tjilakidzo tja Dani nge makupo abo, bali pasi kwe ntungamili wabo sahwoku: [Ludzi] — [Ntungamili] — [Mbalo] Dani — Ahieza nkololo wa Ammishadai — 62 700 Asheri — Pagiele nkololo wa Okirani — 41 500 Nafutali — Ahira nkololo wa Enani — 53 400 Bose — 157 600 Be gupo la Dani banowomilika beyenda bali be bupelo.

³²Aba ndibo bathu be Iziraela sekwa bakabagwa nge ng'umba dza botate babo bose bakabe bali mu mishasha bakabagwa nge makupo abo bakabe bali zwiwulu zwili mazana ali matathatu ana butatu ne mazana ali makumi mashanu ana makumi ali mashanu (603 550).

³³Koga Balevi bakabe basabaligwa mu bathu be Iziraela Yahwe sekwa bakadwa Mushe.

³⁴Ndizo bathu be Iziraela bakathama tjimwe ne tjimwe Yahwe sekwa bakadwa Mushe. Bakakotoka bali pasi kwe zwilakidzo zwabo, bakabhuda beyenda mmwe ne mmwe ali mu nsha uwe, kuyenda nge ng'umba ya tate babe.