Read Kalanga Mbalo 33 Bible Online

Mbalo 33 - Kalanga bible

Mbalo 33

¹Eyi i ndongoloso ye mazina ne magalo akati Baiziraela bakakotokela muili pakudwa kwabo ku Egipiti bakatungamigwa ndi Mushe na Aroni.

²Mushe wakakwala pasi kutanga nge pa bakamilikapo, eyenda elakidza pabakabe beyenda bekotokela. Mushe wakakwala pasi zina le bugalo gumwe ne gumwe pabakabe bakotokela.

³Bathu be Iziraela bakabhuda mu shango ye Ramesesi mu zhuba le bugumi lina bushanu mu mwedzi we kutanga mu gole, tjimuka kwalala kuli Nzano we Kupinda pezhugwi wa Yahwe. Bakamilika mu nzi nkulu Ramesesi betshamba bakasima mu mesho e Baegipiti, Baegipiti bose bakabalinga.

⁴Baegipiti ibo bakabe batjabiganya mbano dzabo dzakabe dzabulawa ndi Yahwe. Midzimu yabo naiyo Yahwe bakayisumikilisa.

⁵Bathu be Iziraela bakamilika mu Ramesesi, bakanokotokela ku Sukoti.

⁶Bakamilika mu Sukoti, bakanokotokela ku Etamu, pa phelelo dze tjilambanyika.

⁷Bakamilika mu Etamu, bakashandukila ku Pihahiroti, bhezhuba kwe Bhalizefoni, bakakotokela pejo ne Migidolo.

⁸Bakamilika mbeli kwe Pihahiroti, bakapalama gungwa benothuka bali mu tjilambanyika, ngono bakatola gwendo gwe mazhuba matatu mu tjilambanyika tje Etamu, bakanokotokela ku Mara.

⁹Bakamilika mu Mara, bakanokotokela ku Elimu pakabe kuna misenya ye vula ili gumi lina bubili ne miti ye milala ili makumi ali kutendeka.

¹⁰Bakamilika mu Elimu, bakanokotokela pawunde ye Gungwa Shaba.

¹¹Bakamilika pa Gungwa Shaba, bakanokotokela mu tjilambanyika tje Sini.

¹²Bakamilika mu tjilambanyika tje Sini, bakanotokela ku Dofuka.

¹³Bakamilika mu Dofuka, bakanokotokela ku Alushi.

¹⁴Bakamilika mu Alushi, bakanokotokela ku Refidimu, pakabe kusina vula inong'wiwa nge bathu.

¹⁵Bakamilika mu Refidimu, bakanokotokela mu tjilambanyika tje Sinai.

¹⁶Bakamilika mu tjilambanyika tje Sinai, bakanokotokela ku Kiberotihathava.

¹⁷Bakamilika mu Kiberotihathava, bakanotokela ku Hazeroti.

¹⁸Bakamilika mu Hazeroti, bakanotokela ku Ritema.

¹⁹Bakamilika mu Ritema, bakanokotokela ku Rimonipherezi.

²⁰Bakamilika mu Rimonipherezi, bakanokotokela ku Libina.

²¹Bakamilika mu Libina bakanokotokela ku Risa.

²²Bakamilika mu Risa, bakanokotokela ku Kehelata.

²³Bakamilika mu Kehelata, bakanokotokela ku Dombo le Sheferi.

²⁴Bakamilika mu Dombo le Sheferi, bakanokotokela ku Harada.

²⁵Bakamilika mu Harada, bakanokotokela ku Makeloti.

²⁶Bakamilika mu Makeloti, bakanokotokela ku Tahati.

²⁷Bakamilika mu Tahati, bakanokotokela ku Tera.

²⁸Bakamilika mu Tera, bakanokotokela ku Mitikha.

²⁹Bakamilika mu Mitikha, bakanokotokela ku Heshimoni.

³⁰Bakamilika mu Heshimoni, bakanokotokela ku Museroti.

³¹Bakamilika mu Museroti, bakanokotokela ku Bhenejaakani.

³²Bakamilika mu Bhenejaakani, bakanokotokela ku Horihagigadi.

³³Bakamilika mu Horihagigadi, bakanokotokela ku Jotibhatha.

³⁴Bakamilika mu Jotibhatha bakanokotokela ku Aberona.

³⁵Bakamilika mu Aberona, bakanokotokela ku Eziyonigeberi.

³⁶Bakamilika mu Eziyonigeberi, bakanokotokela mu tjilambanyika tje Zini (tjinoyi, Kadeshi).

³⁷Bakamilika mu Kadeshi, bakanokotokela ku Dombo le Hori, pa phelelo dze shango ye Edomu.

³⁸Nge ndaulo ya Yahwe Mpirisiti Aroni katathila pezhugwi kwe Dombo le Hori, kanofilako. Wakafa nge zhuba le kutanga mu mwedzi we bushanu[8] we gole le bugumi lina bunna shule kwe kubhuda kwe Baiziraela mu Egipiti.

³⁹Aroni wakafila pezhugwi kwe Dombo le Hori, ana makole ali zana lina makumi mabili ne butatu (123).

⁴⁰Ngono mambo we Aradi we Nkanana, wakabe egala mu Negebu mu shango ye Kanana, kahwa ngozha kwe bathu be Iziraela.

⁴¹Bakamilika mu Dombo le Hori, bakanokotokela ku Zalimona.

⁴²Bakamilika mu Zalimona, bakanokotokela ku Punoni.

⁴³Bakamilika mu Punoni bakanokotokela ku Oboti.

⁴⁴Bakamilika mu Oboti, bakanokotokela ku Iyeabarimu, mu ntuthu we Moabu.

⁴⁵Bakamilika mu Iimu[9], bakanokotokela ku Dibonigadi.

⁴⁶Bakamilika mu Dibonigadi, bakanokotokela ku Alimonidibilataimu.

⁴⁷Bakamilika mu Alimonidibilataimu, bakanokotokela mu matombo e Abarimu, pejo ne Nebo.

⁴⁸Bakamilika mu matombo e Abarimu, bakanokotokela mu lubala gwe Moabu pa gwizi gwe Jorodani kulingisana ne Jerikho.

⁴⁹Bakakotokela pa Jorodani kudwa mu Bhetijeshimoti bukule kunoti mu lubala gwe Moabu.

⁵⁰Yahwe bakalebeleka na Mushe mu mabala e Moabu pa Jorodani kulingisana ne Jerikho beti,

⁵¹“Lebeleka ne bathu be Iziraela ubadwe uti, ‘Ha batjuluka Jorodani bangina mu shango ye Kanana,

⁵²batate bagali be shango iyeyo bose badwe mu muli, kakale bakolomodze mabgwe abo wose abakanakisa nawo, mukolomodze zwifano zose zwakabumbiwa, mube muligila pasi magalo abo wose apezhugwi.

⁵³Mube mutola shango kuti ibe yenyu, ngobe ndakamupa iyo kube thaka yenyu.

⁵⁴Mowokoba shango ngokandila kuyenda nge misha yenyu, banjinji bapiwe kukulu, bashomanana bapiwe kutukunu.

⁵⁵Koga amusatata bagali be shango iyeyo bakadwa pamuli, banowobe zwitoyi mu mesho enyu, ngono banomudziyidza pamwe ne pamwe pamugele.

⁵⁶Ngono ndowomuthama sekwa ndakazwimisila kubathama.’ ”