Read Kalanga Zakhariya 13 Bible Online

Zakhariya 13 - Kalanga bible

Zakhariya 13

¹“Mu zhuba ilelo tshime lisinga pkhwe lowopubukila ng'umba ya Dafite ne bathu be Jerusalema kubatjenapadza mu tjibi ne mukutemapala.

²“Mu zhuba ilelo ndowomisa mazina e midzimu yakabezhiwa mu shango, akuna unowofa aikumbula kakale, koleba Yahwe Masimbawose. Ndowodusila kutjena balebesambeli ne meya dze butemapali mu shango.

³Ngono ha kutjina utjalebesambeli, tate babe na mmeyabe ibo bakanzwala banowoti kunli, ‘Wakafanila fa, ngoti wakaleba manyepkhwa mu zina la Yahwe.’ Ngono ha elebesambeli bazwadzi babe banowombulaya.

⁴“Mu zhuba ilelo nlebesambeli mmwe ne mmwe unowobhakhwa nge shoni ngekwe mbono ye bulebesambeli gugwe. Aatoambala zwiambalo zwizwe zwe bulebesambeli zwina bukuse kuti ndizo atjebele bathu.

⁵Unowoti, ‘Andite ndili nlebesambeli, ndi nlimi, shango yagala ili butjilo gwangu kudwa tjose mu butukununu gwangu.’

⁶Ha mmwe embhuzwa eti, ‘Mabanga iyahwa amu mbili uwo ndeeni?’ Unowodabila eti, ‘Ndakakubala ku ng'umba ye bakwinya bangu.’

⁷“Vondomoka kaa iwe thumo, vondomokela nlisi wangu, vondomokela nlume unami,” koleba Yahwe Masimbawose. “Bulaya nlisi, kuti pkhwizi ne mbudzi dzipalale, ndowoshandusila luboko gwangu ku pkhwizana.

⁸Mu shango yose, koleba Yahwe, babili muna batatu banowobulawa bakaloba, ne kwakajalo nng'ompela unowosala.

⁹Ngono kwe butatu ndowokulonga mu moto, ndowobasuka se siliva abalika se golide. Banowodana zina langu ngono ndowobadabila, Ndowoti, ‘Bathu bangu,’ ibo banowodabila beti, ‘Yahwe ba Ndzimu wedu.’ ”