Read Kalanga Baroma 16 Bible Online

Baroma 16 - Kalanga bible

Baroma 16

¹Ndomuzibisa hazwadzi yedu Febhe, ntiyakoni mu gubungano le Kenikiriya,

²mun'amutjile muna She nge kwakafanila bayengemali kakale mumpe bhatsho imwe ne imwe yaangashaka mu muli, ngobe wakabe mbatshi we bathu banjinji kose nami dumbu wakandibhatsha.

³Dumilisani Purisila na Akhwila, bashingi nami muna Kirisiti Jesu.

⁴Bakalonga matjilo abo mu mbhatsha nge kwangu. Kusi imi koga, ne gubungano lose le Bezwitjaba lobatenda.

⁵Dumilisanibo gubungano linoshanganila ku nzi wabo. Dumilisani Epeneto wandinoda, wakabe iye we kutanga kushanduligwa muna Kirisiti mu ntuthu we Ezhiya.

⁶Dumilisani Mariya iye wakamushingila kwazo.

⁷Dumilisani makamu angu Andironiko na Juniyasi basungwa nami. Banozibgwa kwazo pakati kwe batumwa kakale bakaamutjila Kirisiti imi ndisathu.

⁸Dumilisani Ampiliyato wandinoda muna She.

⁹Dumilisani Ubhanosi nshingi naswi muna Kirisiti ne n'diwa wangu Sitakisi.

¹⁰Dumilisani Apelesi wakagagwabgwe muna Kirisiti. Dumilisani ibabo be nsha wa Arisitobhulo.

¹¹Dumilisani Herodiyoni gamu langu. Dumilisani ibabo be nsha wa Narikiso ba muna She.

¹²Dumilisani Tirifina na Tirifosa, bakadzi ibabo banoshinga kwazo muna She. Dumilisani n'diwa wangu Pesisi iye mmwe nkadzi wakashinga kwazo muna She.

¹³Dumilisani Rufu, iye unozibgwa kwazo muna She, na mmeyabe, ibo bakabe mme kundilibo.

¹⁴Dumilisani Asinikirito, Fulegoni, Hemesi, Patirobhasi, Hemasi ne zwikamu zwabanazo.

¹⁵Dumilisani Filologo, Juliya, Nereusi ne hazwadzi iye na Olimpasi kose ne bayengemali babanabo.

¹⁶Dumilisanani ne kubutjilana kwakayengemala. Makubungano wose a Kirisiti anomudumilisa.

¹⁷Ndomukumbila zwikamu, kube ne njele muna ibabo banozhisa kuthubukana kakale bebiga zwinopinganyidza mu zila dzenyu zwinonyanyayidzana ne kudiya kwamakawana. Thubukanani nabo.

¹⁸Ngoti bathu bakajalo abatoshingila She wedu Kirisiti, koga banoshingila njemulo dzabo. Banotjebela bathu basingazibe tjimwe nge matama abo akanaka kakale anokudza kwe manyepkhwa.

¹⁹Mmwe ne mmwe wakaziba ngekwe kuhwa kwenyu, ndizo ndizhele kushatha nge kwenyu, koga ndoshaka kuti mutjenjele muna tjakalulwama kakale mube basina nlandu muna tjakabipa.

²⁰Ndzimu unotipa kunyalala unowotjimbidza wakanyanga Satani kusi kwe makumbo enyu. Ngoni dza She wedu Jesu Kirisiti ngadzibe namwi.

²¹Timoti, nshingi nami, unomudumilisa, kose na Lukiyo, Jasoni na Sosipata bashingi nami.

²²Imi Tetiyo, nkwalili we lukwalo igogu, ndomudumilisa muna She.

²³Gayo, iye n'amutjili wangu ne bathu be gubungano mu nzi uwe unodumilisa. Erasito, iye mbhati we mari e nzi nkulu ne ikamu tjedu Kwato banomudumilisa. [

²⁴Ngoni dza She wedu Jesu Kirisiti dzingabe namwi mose. Ngakujalo.][1]

²⁵Ngatikudzeni Ndzimu, iwo unotubula kumusimisa mu kugalamoyo kwenyu mu Ndebo mbuya yandinosumikila ngekwa Jesu Kirisiti kakale kuyendidzana nge zumbunuko ye malebeswa akabe akasumbikiwa tjibaka tjilefu.

²⁶Koga ngwenu, malebeswa iyawa akalebgwa edusigwa patjena nge hwalo dze balebesambeli, ezibisiwa zwitjaba zose, se Ndzimu usingapele wakalaula, kuti kuzhe kuhwa kwe kugalamoyo.

²⁷Ngakukudziwe ndi Jesu Kirisiti Ndzimu wakatjenjela mu zwithu zose nge kusingapele kose. Ngakujalo.