Read Kalanga Joshuwa 12 Bible Online

Joshuwa 12 - Kalanga bible

Joshuwa 12

¹Ibaba ndibo bomambo be shango bakakundiwa ne Baiziraela bakabatapila ntuthu we ku bhezhuba kwe Jorodani kudwa pa nkuku we Arinoni kunoti ku Dombo le Hemoni beyenda tjose benoti ku bhezhuba kwe Araba.

²Mambo Sihoni we N'amori, iye wakabusa mu Heshibhoni. Wakabusa kudwa mu Aroeri imu tjekelo dze nkuku we Arinoni ne kudwa pakati kwe nkuku kunoti ku gwizi gwe Jabhoki, eyenda tjose enoti ku n'gathu we Baamoni ne gwamu le Giliyadi

³ne nzi we Araba kunoti ku gungwa le Khinereti kunoti ku bhezhuba kwe Araba, Gungwa le Mwenyu ne kuyendila ku Bhetijeshimoti ne ku burwa kwakatathila kwe Pisiga.

⁴Ogi mambo we Bhashani, mmwe we malimbelimbe e Barefayi wakabe egala ku Ashitaroti neku Edireyi.

⁵Wakabusa kutangisa pa Dombo le Hemoni ne Saleka ne Bhashani kunoti ku n'gathu we Bageshuri ne Bamaakati ne gwamu le Giliyadi kunoti ku n'gathu wa Sihoni mambo we Heshibhoni.

⁶Bakakundiwa ndi Mushe nlanda wa Yahwe ne Baiziraela. Mushe katola shango yabo kaipa Barubheni ne Bagadi ne gwamu le ludzi gwa Manase kuti ibe thaka yabo.

⁷Ibaba ndibo bomambo be shango bakakundiwa ndi Joshuwa ne Baiziraela. Bakabatapila shango iku golombedzo kwe Jorodani ne kudwa pa Baligadi mu nkuku we Lebanoni kuyendila ku Dombo le Halaki lakawala lakalinga ku Seiri. Joshuwa kapa Baiziraela nge njudzi dzabo shango idzedzi kube thaka yabo,

⁸shango ye matombo, shango yakawila neye Araba ne shango inotathila neye tjilambanyika neye Negebu ne shango ye Bahiti neye Baamori neye Bakanana neye Baperizi neye Bahivi neye Bajebusi.

⁹Bamwe ba bomambo bakakundiwa ndi aba: Mambo we Jerikho ne mambo we nzi we Ai wakabapa ne nzi we Bhetele

¹⁰ne mambo we Jerusalema ne mambo we Heburoni

¹¹ne mambo we Jarimuti ne mambo we Lakhishi ne

¹²mambo we Egiloni ne mambo we Gezeri

¹³ne mambo we Dibiri ne mambo we Gederi

¹⁴ne mambo we Horima ne mambo we Aradi

¹⁵ne mambo we Libina ne mambo we Adulamu

¹⁶ne mambo we Makeda ne mambo we Bhetele

¹⁷ne mambo we Tapuwa ne mambo we Heferi

¹⁸ne mambo we Afeki ne mambo we Lasharoni

¹⁹ne mambo we Madoni ne mambo we Hazori

²⁰ne mambo we Shimironimeroni ne mambo we Akishafa

²¹ne mambo we Taanaki ne mambo we Megido

²²ne mambo we Kedeshi ne mambo we Jokineyamu mu Karimeli

²³ne mambo we Dori mu Dori ku bunandzwa ne mambo we Goyimu mu Giligala[6]

²⁴ne mambo we Tireza. Bomambo bose bakabe bali makumi matatu ana nng'ompela (31).