Read Kalanga Joshuwa 19 Bible Online

Joshuwa 19 - Kalanga bible

Joshuwa 19

¹Dziba le hakata le bubili likawila ludzi gwa Simiyoni nsha nge nsha. Ntuthu wabo wakabe uli mu ntuthu wa Juda.

²Ntuthu wabo wakabe utola mizi ye Bheerisheba ne Sheba ne Molada ne

³Hazarishuali ne Bhala ne Ezemu ne

⁴Elitoladi ne Bhethuli ne Horima ne

⁵Zikilagi ne Bhetimakaboti ne Hazarisusa ne

⁶Bhetilebawoti ne Sharuheni. Mizi yose yose ne mizana yayo yakabe ili gumi lina mitatu (13).

⁷Ayini ne Rimoni ne Eteri ne Ashani yose ne mizana yayo yakashangana yose yose yakabe ili mizi ili minna,

⁸kushangana ne mizana yose yakapoteleka mizi iyeyi kunoti ku Bhaalatibheera hwuti Rama ye Negebu. Yose iyeyi yakabe ili shango yakapiwa ludzi gwa Simiyoni kuti ibe thaka nsha ne nsha.

⁹Shango yakapiwa ludzi gwa Simiyoni yakatogwa mu gobe le shango ye ludzi gwa Juda ngoti Bajuda bakabe batjekegwa pa kulusa. Ndizo ludzi gwa Simiyoni gwakapiwa thaka mu ntuthu we ludzi gwa Juda.

¹⁰Dziba le butatu likawila ludzi gwa Zebuluni nsha nge nsha. N'gathu wabo wakabe unoti ku Saridi,

¹¹kudwapo uyenda kunomila zhuba unoti ku Marala unotigu ku Dabesheti ne nsenya uku bhezhuba kwe Jokineyamu,

¹²kudwa mu Saridi wakashanduka wakalinga ku bhezhuba kwe ntuthu we Khisilotitabori, uyenda ku Daberati unoti ku Jafiya.

¹³Kudwapo ukadwilila wakalinga ku bhezhuba kwe Gatiheferi ne Etikazini, unopubuka uli ku Rimoni ube ushandukila ku Neya,

¹⁴ukopoteleka uli ku bunandzwa gwe Hanathoni unopelela uli ku nkuku we Ifafaeli.

¹⁵Wakabe ulonga mizi ye Katati ne Nahalali ne Shimironi ne Idala ne Bhetelehema. Mizi yose yakashangana ne mizana yayo yakabe ili gumi lina mibili (12).

¹⁶Mizi ne mizana iyeyi yakabe ili iyo yakapiwa ludzi gwa Zebuluni kuti ibe thaka yago nsha ne nsha.

¹⁷Dziba le bunna likawila ludzi gwa Isakari nsha ne nsha.

¹⁸Ntuthu wago wakabe utola mizi ye Jezirele ne Khesuloti ne Shunemu ne

¹⁹Hafarayimu ne Shiyoni ne Anaharati ne

²⁰Rabiti ne Kishiyoni ne Ebezi ne

²¹Remeti ne Eniganimu ne Enihada ne Bhetipazezi.

²²N'gathu wakabe unotigu ku Tabori ne Shahazuma ne Bhetishemeshi unopelela ku gwizi gwe Jorodani. Ntuthu wose wakabe una mizi ne mizana ili gumi lina ili mitathatu (16).

²³Mizi ne mizana iyeyi yakabe iyo yakapiwa ludzi gwa Isakari kuti ibe thaka yago nsha ne nsha.

²⁴Dziba le bushanu likawila ludzi gwa Asheri nsha nge nsha.

²⁵Ntuthu wabo wakabe utola mizi ye Helikati ne Hali ne Bheteni ne Akishafa ne

²⁶Alameleki ne Amadi ne Mishali. Kunomila zhuba n'gathu wakabe unotigu ku Karimeli ne Shihorilibinati.

²⁷Kudwapo ushandukila ku bhezhuba wakalinga ku Bhetidagoni unotigu ku Zebuluni ne nkuku we Ifafaeli, uyenda ku bunandzwa gwe Bhetiemeki ne Neyeli upinda Khabuli ku lumeshwe,

²⁸wakalinga ku Eburoni ne Rehobi ne Hamoni ne Kana unoti tjose ku Sidoni nkulu,

²⁹kudwapo ushandukila shule wakalinga ku Rama unoti ku matizhilo e nzi we Tire, ube ushanduka wakalinga Hosa unopubuka pa gungwa le ntuthu we Akizibi ne

³⁰Uma ne Afeki ne Rehobi. Mizi ne mizana yose yakashangana yakabe ili makumi mabili ana mizi mibili (22).

³¹Mizi ne mizana iyeyi ndiyo yakapiwa ludzi gwa Asheri kuti ibe thaka yago nsha nge nsha.

³²Dziba le butathatu likanowila ludzi gwa Nafutali nsha nge nsha.

³³N'gathu wabo wakabe udwa pa Helefu ne pa nti we n'oko mu Zaananimi upinda Adaminekebu ne Jabineele kunoti ku Lakumi unopelela ku gwizi gwe Jorodani.

³⁴Kudwapo n'gathu uyenda kunomila zhuba wakalinga ku Azinotitabori, udwa ipapo unoti ku Hukoki, unotigu mu Zebuluni ku burwa ne Asheri kunomila zhuba ne Jorodani ku bhezhuba.

³⁵Mizi ye matizhilo yakabe ili Zidimi ne Zeri ne Hamati ne Rakati ne Khinereti ne

³⁶Adama ne Rama ne Hazori ne

³⁷Kedeshi ne Edireyi ne Enihazori ne

³⁸Yironi ne Migidalieli ne Horemu ne Bhetianati ne Bhetishemeshi. Mizi ne mizana yose yakashangana yakabe ili gumi lina ili zhanalume (19).

³⁹Mizi ne mizana iyeyi yakapiwa ludzi gwa Nafutali kuti ibe thaka yago nsha nge nsha.

⁴⁰Dziba le butendeka likawila ludzi gwa Dani nsha nge nsha.

⁴¹Ntuthu wabo wakabe utola mizi ye Zora ne Eshitaole ne Irishemeshi ne

⁴²Shaalabini ne Aijaloni ne Itila ne

⁴³Eloni ne Timina ne Ekironi ne

⁴⁴Eliteke ne Gibethoni ne Baalati ne

⁴⁵Jehuda ne Bheneberaki ne Gatirimoni ne

⁴⁶Jarikoni ne Rakoni ku n'gathu wakalingisana ne Jopa.

⁴⁷Kwakati bathu be ludzi gwa Dani batolegwa ntuthu wabo, bakayenda bakanonginilila bathu be Leshemu ngono bakatola ntuthu we Leshemu. Bakagala mu ntuthu we Leshemu bakautumila zina la batategulu babo Dani.

⁴⁸Mizi ne mizana iyeyi yakapiwa bathu be ludzi gwa Dani kuti ibe thaka yago nsha ne nsha.

⁴⁹Bakati basinopedza kukoba shango, Baiziraela bakapa Joshuwa nkololo wa Nuni shango pakati kwabo kuti ibe thaka iye.

⁵⁰Koga Yahwe sekwa bakabe baleba bakapa Joshuwa nzi waakabe akumbila we Timinatisera mu shango ye matombo ye Ifureimi. Ngono kamusa nzi iwoyo kagalapo.

⁵¹Iyeyi ndiyo mituthu yakati Eleazari we mpirisiti na Joshuwa nkololo wa Nuni ne batungamili be misha ye njudzi dze Baiziraela bakaikoba nge kuposela hakata bali mbeli kwa Yahwe ku Shilo pa nkoba we nshasha we bushanganilo. Ndizo bakawidza kukoba shango.