Read Kalanga 2 Batesalonika 1 Bible Online

2 Batesalonika 1 - Kalanga bible

2 Batesalonika 1

¹Ndimi Paulo, ndina Silasi na Timoti. Ku gubungano le Batesalonika mu Ndzimu Tate bedu na She Jesu Kirisiti:

²Ngoni ne kunyalala kunodwa ku Ndzimu Tate bedu na She Jesu Kirisiti ngakube namwi.

³Takafanila kuboka Ndzimu misi yose nge kwenyu zwikamu, kwakafanila, ngobe kugalamoyo kwenyu kokula kuyenda mbeli ne ludo gwamunodana ndigo gokula.

⁴Ndizo pakati kwe makubungano e Ndzimu, tozwiloba ifuba ngekwe kusimisila kwenyu ne kugalamoyo kwenyu mu kudziyidziwa kose ne kuhwisiwa zogwadza kwamunodzikitadzila.

⁵Kose ikoku kolakidza kuti kusumikilisa kwe Ndzimu kwakalulwama, ngono ngekwa ikoko mowothang'wa bakafanila bushe gwe Ndzimu, iwo wamunodziyilila.

⁶Ndzimu wakalulwama, unowodziyidza ibabo banomudziyidza,

⁷koga, ukamunyalulusa, imwi banodziyidziwa, kose naswibo. Oku kowoshingikala She Jesu ezumbunuka kudwa kudzimu ne batumwa babe be kudzimu bana masimba,

⁸ali mu moto unothuta ehwisa zogwadza ibabo banolamba Ndzimu kakale basina hanya ne ndebo mbuya ya She wedu Jesu.

⁹Banowolobgwa shamu ye golomodzo lisingapele, bakatatigwa kule na She ne bukulu gwe simba lile

¹⁰mu zhuba laanowozha kukudziwa mu bathu babe bakayengemala ne kulumbidziwa ndi bose bakagalamoyo. Namwibo mowobe munabo, ngobe makagalamoyo butendeki gwedu kumuli.

¹¹Ha tikumbula ikoku, tomutembezelela misi yose kuti dzene tshene Ndzimu ungamuthama kuti mufanigwe ngodanigwa kwenyu kuuli, kakale kuti nge simba lawo ungazhadzisa mazwimisilo enyu wose ekushinga ndulamo, ne mishingo yenyu ye bugalimoyo,

¹²kuti ndizo zina la She wedu Jesu likudziwe nge kwenyu, namwibo mukudziwe nge kukwe kuyendidzana ne ngoni dze Ndzimu wedu ne dza She wedu Jesu Kirisiti.