Read Kalanga 1 Timoti 2 Bible Online

1 Timoti 2 - Kalanga bible

1 Timoti 2

¹Ngwenu, tjekutanga ndokukulumbidza kuti kukumbila ne mitembezelo ne kutembezelela bamwe ne kutenda kuyitigwe bathu bose,

²kuyitigwe bomambo na ibabo bana masimba, kuti ndizo titjile butjilo gwe kunyalala ne mbakiso mu kunamata Ndzimu nge zila dzose.

³Oku kwakanaka kakale koshathisa Ndzimu Ntjidzi wedu,

⁴iye unoshaka kuti bathu bose batjidziwe kakale bazhe mu luzibo gwe malebeswa.

⁵Ngobe kuna Ndzimu nng'ompela kakale kuna n'gadzanyi nng'ompela pakati kwe Ndzimu ne bathu, iye Kirisiti Jesu, ali nthu.

⁶Iye wakazwipa se nlipilili we bathu bose, sa ikoko butendeki gwakapiwa nge tjibaka tjago tjakafanila.

⁷Ngekwa ikoko, ndakashalugwa kube nsumikili ne ntumwa wa Jesu, kudiya Bezwitjaba* bugalimoyo ne malebeswa, ndolebesa anditonyepa.

⁸Ndoshaka kuti balume kumwe ne kumwe batembezele nge njalakang'wa dzakatjena, basakagwadzamoyo kakale basingakangazhane.

⁹Kakale ndoshaka kuti bakadzi baambale zubuyanana, kwakafanila, kakale kwakalulwama, kusi nge mavudzi akalukiwa kanakisiwa nge golide kene nge mabgwe mabuya anothama ndalama kene zwiambalo zwe ntengo upezhugwi,

¹⁰koga nge mishingo yakanaka, yakafanila bakadzi banolakidza kutja Ndzimu.

¹¹Nkadzi wakafanila kuzwidiya akanyalala ne kuzwiyisa pasi kwakapelela.

¹²Anditodumila nkadzi kudiya kene kube nge simba pezhugwi kwe nlume, wakafanila nyalala.

¹³Ngobe Adamu wakabumbiwa kutanga, kukoti Efa.

¹⁴Kakale Adamu aazotjebegwa, koga nkadzi ndiye wakatjebegwa, ndizo kasilondolodze nlayo we Ndzimu.

¹⁵Koga nkadzi unowotjidziwa ngokutshibama, ha badwilila mu kugalamoyo nenge ludo nenge kuyengemala nenge kudzikama.