Read Kalderash Romani Cornilescu Bible 2020 (Romania) Genesa 4 Bible Online

Genesa 4 - Kalderash Romani Cornilescu Bible 2020 (Romania) bible

Genesa 4

¹O Adamo pasi'lo pehka romneasa la Evasa: oi ašili phari, thai kărdea le Kainos.Thai phendea: „Lem khă manuši le kandimasa katoa o Rai!”

²Mai kărdea i lehkă phrales o Abelo. O Abel sas bakreari, ta o Kaino sas plugari.

³Pala khă kotor cirohko, o Kaino andea le Devllehkă jertfa xabenesti anda le roduri la phuweakă.

⁴O Abel andea i o khă jertfa xabenesti anda le mai anglal bakrea anda lesti čireada thai anda lengo thulimos. O Dell dikhlea dragosa karing o Abelo thai lesti jertfa;

⁵ta karing o Kaino thai lesti jertfa, či dikhlea dragosa. O Kaino xoleai'lo but zurales, thai pelo lehko mui.

⁶Thai O Dell phendea le Kainohkă: „Anda soste xoleailean, thai anda soste pelo teo mui?

⁷Nai kadea? Kana kăras mišto, sî te aves mišto avino; ta kana kăras nasul, e bezeh arakhăl koa udar; oi nikardeol pala tute, ta tu te stapînisla.”

⁸Pala kodea o Kaino phendea pehkă phralehkă le Abelohkă: „Avta te ankleas po kîmpo.” Ta kana sas on po kîmpo, o Kaino vazdi'lo karing pehko phral o Abelo, thai mudardea les.

⁹O Dell phendea le Kainohkă: „Kai sî teo phral o Abelo?” O phendeas: „Či jeanau. Sîm me o arakhaditorii mîŕa phralehko?”

¹⁰Thai O Dell phendeas: „So kardean? O mui le ratehko te phralehko del mui andai phw Mande.

¹¹Akana dinoarman san tu, našado anda koadoa kotor la phuwaeako, kai pîtărdea pehko muui kaste lel anda teo vast o rat te phralehko!

¹²Kana kărasa buti e phuw, te na mai del tu pehko bravalimos.Te na avel tu than thai našado te aves pe phuw.”

¹³O Kaino phendea Le Devllehkă: „Solaxadean ma but zurales kaste dastiu te traiu.

¹⁴Dikta ka Tu našavesma ades poa mui la phuweako; me sî te garadiuau angla Tute thai, te na avelma than pe phuw thai te našau; thai orkon si te arakhăla ma, mudarăla ma.”

¹⁵O Dell phendea lehkă: „Čiakhdata; te avela te mudarăl varekon le Kainos, o Kaino te avel amboldino eftavarăs.” Thai O Dell dea khă semno anda o Kaino, ta orkon sî te arakhăles te na mudarăles.

¹⁶Pala kodea, o Kaino ankasto angloa Mui Le Devllehko, thai bešlo ando čem o Nod, karing okhamanklel andoa Edeno.

¹⁷O Kaino pasi'lo pehka romneatar; oi ašili phari thai kărdea le Enohos.

¹⁸O Enoh sas o dadd le Iradohko; o Irad sas o dadd le Metušaelehko; o Metušael sas o dadd le Lemexohko.

¹⁹O Lamex lea pehkă dui romnea: o anau iekhako sas Ada, thai o anau la kolavreako sas çila.

²⁰E Ada kărdea le Iabalos; o sas o dad kolengo kai besen andel çăre thai arakhan le gurumnean.

²¹O anau lehkă phralehko sas Iubal: o sas o dadd saoŕango kai dilaban la šetrasa thai le kavalosa.

²²E çila, ande pesti rig, kărdea le Tubal-Kainos, kai buteardea sa le butea anda e harkuma thai o sastri. E phei le Tubal-Kainosti sas e Naama.

²³O Lameh phendea pehkă romneangă: „Ada thai çila, ašunen muro mui! Romnea le Lameohkă, ašunen muŕo divano! Mudardem khă manuši anda mîŕa dukh, Thai kha tarno anda mîŕa vînăçîmata.

²⁴O Kaino sî te avel amboldino eftavarăs, Ta o Lameh eftavardeši or eftavarăs.

²⁵O Adam pasi'lo pale pehka romneatar: oi kărdea khă šau, thai thodea lehkă anau Seto; „kă”, phendeas oi, „O Dell dea ma aver samînça ando than le Abelohko, kai mudardea les o Kaino.”

²⁶Le Setohka kardi'lo i lehkă khă šau, thai thodea lehkă anau Enos. Da atunčeara line le manuši te akharăn o Anau Le Devllehko.