Read Kalderash Romani Cornilescu Bible 2020 (Romania) Genesa 49 Bible Online

Genesa 49 - Kalderash Romani Cornilescu Bible 2020 (Romania) bible

Genesa 49

¹O Iakov akhardea pehkă šeaven, thai phendea: „Tiden tume, thai phenaua tumengă so sî te avel andel čiruri kai avena.

²Tiden tume, thai ašunen, šeave le Iakovohkă! Ašunen tumară daddes le Israelos!

³Ruben, tu, muŕo šeau o mai baro, E zor thai o zurallimos mîŕa zorako, o anglal ande vredničia, o anglal ande zor,

⁴Iekhatar sar le paia, — tu či mai avela tu o anglaimos! Kă ankăstean ando pato te daddehko, Marisardean muŕo pato, ankăstindoi ande leste.

⁵O Simion thai o Levi sî phral; Lengă săbii sî sar le butea mudardimahkă.

⁶Či kamau te xamilpe muro dii lengă tidimasa! Kă, ande lendi xoli, mudarde manuši, Thai, ando jungalimos lengo, šindine le vine le guruwengo.

⁷Dini arman te avel lendi xolli, anda kă sas turbeame, Thai lengo xolearimos, sas but văšuno! Xulavauale ando Iakovo, Thai phravauale ando Israelo.

⁸Iudo, tu lesa le laude te phralengă, Teo vast astarăla čeafatar te dušmaien. Le šeave te daddehkă mekănape ji kai phuw angla tute.

⁹O Iuda sî khă puio leohko. Tu amboldean katoa mudarimos, šeavna! O Iuda del tele le čeanga, sovel orta sar khă leo, Sar khă leoaika: kon ušteavela les?

¹⁰E rowli le raimasti či dureola andoa Iuda, Či e rowli le barimahko anda lehkă pînŕă, Ji kana sî te avel o Šilo, Thai Lestar ašunena le popoare.

¹¹O phandel pehko čiuši la răzatar, Thai le mai lašestar butuko anda e răz o čiušoro pehka čiušeako; Xalavel pesti raxami ande moll, Thai e raxamibari ando rat le strugurengo.

¹²Sî les le iakha lole molleatar, Thai le dand parne thudestar.

¹³O Zabulono bešela po malo le mărengo, Pašea o than le berurengo, Thai lesti phuw arăsăla karing o Sidono.

¹⁴O Isahar să khă čihši kokalino, Kai sovel andel grajdurea.

¹⁵Dikhăl kă o than kai xodinil pe sî šukar, Thai kă lehko than sî barimos; Mekăl pehko dumo tala o pharimos, Thai delpe potindimasko.

¹⁶O Dano krisănila pehko poporo, Sar iekh anda le semeçii le Israelohkă.

¹⁷O Dan sî te avel khă sap po drom, Khă nopîrka pe poteka, Xalindoi le kălkîia le grastehkă, Kărindoi te perăl o ankăstorii pel zăia.

¹⁸Ando kandimos Tiro, nikra ma, Raia!

¹⁹Poa Gad sî te de sigo čete armome, Ta i o dela sigo pa lende thai jeala pala lende.

²⁰O Ašer del xamos mîndrimahko; O dela xabenata alosarde le thagaren.

²¹O Neftali sî khă čerboaika biphangli: Del duma divanuri šukar.

²²O Iosif sî o vlăstari le kaštehko roditori thodino paša khă haing paiesti;

²³Le ŕaia lehkă tinzon pe opral o zîdo. Le arkašea xolearde les, šudine săjetenča, line pe pala leste pehka xoleasa.

²⁴Ta lehko arko ašilo zurallo, Thai lehkă vast sas zurearde Le vastendar le Zurallehko le Iakovohko: Thai arăslo kadea o bakreari, e stînka le Israelosti.

²⁵Kadea sî e buti le Devllesti le daddesko tirăhko, kai kandela tu; Kadea sî e buti le Sea Zuralimahko, kai delatudumadămišto Le dimatănçadumadămišto le čerurengă opral. Le dimatănçadumadămišto le paiengo dă telal, Le dimatănçadumadămišto le čiučeango thai le păŕăhko la deiako.

²⁶Le dimatănçadumadămišto te daddehkă Nakhaven le dimatănçadumadămišto mîŕă daddengă, thai vazden pe, Ji ando šero le pleaiango vešničea: On te aven poa krešteto le šerăhko le Iosifohko, Poa krešteto le šerăhko le raiehko pehkă phrallengo!

²⁷O Beneamin sî khă ruw kai pharavel; Kana avel o des xal e prada čiordani, Thai reate, xulavel e prada čiordani.”

²⁸Kadala sî sea kukola kai kărdile le dešudui seminçii le Israelohkă. Thai kadala sî le butea, kai phendea lengă lengo dadd, kana dealedumadămišto. Dealedumadămišto, sako iekhăs khă dimosadumadămišto avervaresar.

²⁹Palla kodea mothodea lengă kadea: „Me sîm te avau thodino ka o poporo muŕo; te praxon ma andekh than mîŕă daddença, ando thanšudro kai sî ande phuw le Xetitosti Efron,

³⁰ando thanšdro anda e phuw Makapela, kai sî mui muieste le Mamre, ando čem o Kanaano. Kadea sî e phuw, kai tindea la o Avraamo katoa o Xetito Efron, sar puw praxomasti.

³¹Oče praxosardea o Avraamo i la Sara, lekha romnea; oče praxosarde le Isakos thai la Rebeka, lehka romnea; thai oče praxosardem me la Lea.

³²E phuw tai o thanšudro kai sî oče sas tinde katal šeave le Xetohkă.”

³³Kana isprăvisardea o Iakovo le mothodimata pehkă šeavengă, çîrdea pehkă pînŕă ando pato, thai dea pehko duxo, thai sas thodino ka pehko poporo.