Read Kalderash Romani Cornilescu Bible 2020 (Romania) Genesa 5 Bible Online

Genesa 5 - Kalderash Romani Cornilescu Bible 2020 (Romania) bible

Genesa 5

¹Dikta o lill le neamurengo le Adamohkă. Ando des kana kărdea O Dell le manušes kărdea les sar peste sar o Dell.

²Kărdea le rig muršani thai rig juwlikani, blagovisardeale, thai dea le o anau „manuši”, ando des kana sas kărde.

³Kana pherdea ăkhšel thai treanda bărši, o Adamo kărdea khă šau pala pehko tipo thai ameaimos, thai thodea lehkă anau Set.

⁴Pala so kărdea le Setos, o Adam mai traisardea ohto šella bărši: thai kărdea šave thai šeia.

⁵Sa le des kai traisardea le o Adamo, sas înia šella thai treanda bărši; pala kodea mullo.

⁶Kana sas les ăkh šel thai panji bărši, o Seto kărdea le Enosos.

⁷Pala o kărdimos le Enosohko, o Set mai traisardea ohto šella thai efta barši, thai kărdea šave thai šeia.

⁸Sa le des le Stohkă sas înia šella thai desudui barši; pala kodea mullo.

⁹Kana sas les îneavardeši bărši, o Enos kărdeas le Kainanos.

¹⁰Pala so kărdea le Kainanos, o Enos mai traisardea ohto šella thai desupanji barši, thai kărdea šave thai šeia.

¹¹Sa le des le Enosohkă sas înia šella thai panji bărši, pala kodea mullo.

¹²Kana sas les eftavardeši bărši, o Kainaino kărdea le Maxalaleelos.

¹³Pala so kărdea le Maxalaleelos, o Kainaian mai traisardea ohto šella thai starvrdeši bărši; thai kărdea šave thai šeia.

¹⁴Sa le des le Kainainohkă sas înia šella thai deši bărši; pala kodea mullo.

¹⁵Kana sas les šovardes thai panji bărši, o Maxalaeel kărdea le Iarades.

¹⁶Pala so kărdea le Iarades, o Maxalaeelo mai traisardea ohto šella thai treanda bărši; thai kărdea šave thai šeia.

¹⁷Sa le des le Maxalaeelohkă sas ohto šella îniavardeši thai panji bărši: pala kodea mullo.

¹⁸Kana sas les ăkhšell thai šovardes thai dui bărši, o Iared kărdea le Enohos.

¹⁹Pala so kărdea le Enohos, o Iared mai traisardea ohto šella bărši; thai kărdea šave thai šeia.

²⁰Sa le des le Iaredohkă sas înia šella thai šovardes thai dui bărši; pala kodea mullo.

²¹Kana sas les šovardes thai panjii bărši, o Enoho kărdea le Metusalos.

²²Pala so kărdea le Metusalos, o Enoh phirdea le Devllesa trin šella bărš; thai kărdea šave thai šeia.

²³Sa le des le Enohohkă sas trin šellašovardeši thai panji bărš.

²⁴O Enoh phirdea Le Devllesa; pala kodea či mai dičilo, kă lea les O Dell.

²⁵Kana sas les ăkh šell ohtovardeši thai efta bărši, o Metusala kărdea le Lamexos.

²⁶Pala so kărdea le Lamexos, o Metusala mai traisardea efta šella ohtovardeši thai dui bărši; thai kărdea šave thai šeia.

²⁷Sa le des le Metusalohkă sas înia šella šovardeši thai înia bărši; pala kodea mullo.

²⁸Kana sas les ăkh šell thai ohtovardeši thai dui bărši, o Lamex kărdea khă šau.

²⁹O thodea lehăa anau Noe, phendindoi: „Koadoa sî kai dabadikhălame anda amari prikopsala amară vastendi, kai aven anda kadea phuw, kai deala arman O Dell.”

³⁰Pala so kărdea le Noes, o Lamex mai traisardea panji šella thai îniavardeši thai panji bărši; thai kărdea šave thai šeia.

³¹Sa le des le Lameohkă sas efta šella eftavardeši thai efta, pala kodea mullo.

³²Noe, kana sas les panji šella bărši, kărdea le o Semos, le Xamos thai le Iafetos.