Read Kalderash Romani Cornilescu Bible 2020 (Romania) 2 Samuelohko 10 Bible Online

2 Samuelohko 10 - Kalderash Romani Cornilescu Bible 2020 (Romania) bible

2 Samuelohko 10

¹Pala kodea, o thagar le šeavengo le Amonohkă mullo, thai ande lehko than raisardea lehko šeau o Xanuno.

²O Davido phendea: „Sîkavaua lašimos le Xanunohkă, o šeau le Naxašohko, sar sîkadea i lehko dadd angla mande.” Thai o Davido tradea pehkă kanditoren te den les lašimos anda o mullimos lehkă daddehko. Kana arăsline le kanditorea le Davidohkă ando čem le šeavengo le Amonohkă,

³le šerălebară le šeavengă le Amonohkă phendine pehkă stăpînohkă le Xanunohkă: „Pateas kă o Davido tradel tukă manuši kaste den tu lašimos, kaste den pativ te daddes? Or kaste prinjeanen thai te roden e četatea, kaste xasarăn la tradel o pehkă kanditoren tute?”

⁴Atunčera o Xanuno lea le kanditoren le Davidohkărăn, šindea lendi šor pa dopašeste, thai šindea lengă çoale pa dopašeste ji kal prašave. Pala kodea dea le drom.

⁵O Davido, phendindoi lehkă pai buti kadea, tradea varesar manuši angla lende, kă le manuši kadala sas but mardine khălimahkă; thai o thagar phendea te phenel lengă: „Ašen ando Ierixono ji kana bareola tumari šor, thai pala kodea te ambolden tume.”

⁶Le šeave le Amonohkă, dikhlindoi kă kărdilesas bidabadikhline le Davidostar, tomnisarde biši mii pedeštrea katal Sirienea andao Bet-Rexob thai katal Sirienea anda e Çoba, ăkh mia manuši kata o thagar anda Maaka, thai dešudui mii manuši katal manuši andoa Tob.

⁷Koa ašundimos kadoa, o Davido tradea pa lende le Ioabas thai sai oštirea, dăsar manuši zurale.

⁸Le šeave le Amonohkă ankăste, thai lašarde pe andel širurea le mardimahkă koa šutimos le udarăhko; le Sirienea andai Çoba thai andoa Rexob thai le manuši andoa Tob thai andai Maaka, sas dur ando islazo.

⁹O Ioab dikhlea kă sas les te marăl pe i anglal thai i palal. Alosardea atunčeara anda sal alosarde le Israelohkă khă kîrdo, kai thodea les pal Sirienea;

¹⁰thai thodea tala o mothodimos pehkă phralehko o Abišai so mai ašilea andoa poporo, kaste nikrăl kolin le šeavengă le Amonohkă.

¹¹O phendea: „Kana le Sirienea avena mai zurale sar mande, te aves ando kandimos muŕo; thai kana le šeave le Amonohkă avena mai zurale sar tute, avua me te kandau tu.

¹²Av, zuralo, thai te sîkavas ame pherdo muršimos andoa poporo amaro thai andal četăçi le Devllehkă amarăhkă; thai o Rai te kărăl so pateala!”

¹³O Ioab le poporosa lehko gălo anglo mardimos pal Sirienea, thai on linela te našen angla leste.

¹⁴Thai kana dikhle le šeave le Amonohkă, kă le Sirienea linesas la te našen, našle i on angloa Abišai, thai šute pe ande četatea. O Ioab teleardea katal šeave le Amonohkă, thai amboldi'lo ando Ierusalimo.

¹⁵Le Sirienea, dikhlindoi kă sas mardine le Israelostar, tidine pehkă zora.

¹⁶O Xadarazero tradea palal Sirienea kai sas pe kolaver rig le Nanilašosti; thai avile ando Xelam, anglal le Šobakosa, o šerobaro le Xadarezorohko.

¹⁷Dine ašundimos le Davidohkă kai tidea soa Israelo, nakhline o Iordano, thai avile ando Xelam: le Sirienea lašarde pe thai ankăste angloa Davido, thai line te marăn pe lesa.

¹⁸Ta le Sirienea našle angloa Israelo. Thai o Davido šindea lengă efta šella grast urdonehkă phirimahkă thai štarvardeši mii ankăstepelgrast; maladea i le šerăbarăs la oštireako le Šabakos, kai mullo po than.

¹⁹Sa le thagar tala o Xadarezero, dikhlindoi pe mardine le Israelostar, dine pe tala lehko punŕo. Thai le Sirienea či mai zumade te kanden le šeaven le Amonohkărăn.