Read Kalderash Romani Cornilescu Bible 2020 (Romania) 1 Thagarengo 5 Bible Online

1 Thagarengo 5 - Kalderash Romani Cornilescu Bible 2020 (Romania) bible

1 Thagarengo 5

¹O Xiram, o thagar le Tirohko, tradea pehkă kanditoren koa Solomono; kă ašundeasas kă sas makhlo thagar ando than pehkă daddehko, thai o kambleasas orkana le Davidos.

²O Solomono tradea orba le Xiramohkă:

³„Jeanes kă muŕo daddo Davido naštisardea te vazdel ăkh khăr le Raiehkă, lehkă Devllehkă, anda e zan le mardimatăndi savença dinelesroata le dušmaia lehkă, ji kana o Rai thodea lehkă le tala e šubiça lehkă pînŕăndi.

⁴Akana o Rai, o Del muŕo, dea ma čiimos anda sal riga, manai ma či khă dušmano, či prikăjimata!

⁵Dikta kă sî ma ande godi te vazdau ăkh khăr le Anavehkă le Raiehkă, mîŕă Devllehkă, sar phendea o Rai mîŕă daddehkă le Davidohkă, phendindoi: „Teo šeau, kai thoaua les ande teo than, po skamin tiro le raimahko, o vazdela o khăr le Anavehkă Mîŕăhkă.”

⁶Motho akana te šindeon pe anda mande čedri andoa Libano. Mîŕă kanditorea avena tirănça, thai potinaua o potindimos te kanditorengă kadea sar phenesa tu; kă jeanes kă anda amende khonikh či jeanel te šinel ăl kašt sar le Sidonienea.”

⁷Kana ašundea o Xiramo le divanuri le Solomonohkă, sas les khă bari bukuria, thai phendea: „Dinodumadămišto te avel ades o Rai, kai dea le Davidos khă šeau kadea dă godimasa, čečio šerobaro kadale bară poporohko!”

⁸Thai o Xiram tradea phendimos le Solomonohkă: „Ašundem so tradean te phendeol pe mangă. Kăraua sa so kamesa ando dičimos le kaštengo le čedrohkă thai le kaštengă le tiparosohkă.

⁹Le kanditorea mîŕă ulearăna le ando Libano kai marea, thai tradaua le pe marea pe le plute ji ando than kai sîkavesa mangă les: oče, thoaua te pîtrăn le, thai lesa le. So mangau tukă ando paruglimos, sî te trades xabenata mîŕă khărăhkă.”

¹⁰O Xiram dea le Solomonos kašt čedrohkă thai kašt tiparohko sode kamblea.

¹¹Thai o Solomono dea le Xiramohkă biši mii kori divehkă anda o xamos lehkă khărăhko thai biši mii kori zetinohkă ujo; dikta so dea o Solomono ande sako bărši le Xiramos.

¹²O Rai dea godimos le Solomonos, sar šinadeasas lehkă. Maškar o Xiram thai o Solomono sas pačea, thai kărdine phanglimos andekhthan.

¹³O thagar o Solomono lea andoa soa Israelo manuši buteakă, ando dindimos dă treanda mii.

¹⁴Tradea le ando Libano, po deši mii po šon, le paruglimasa; pokh šon sas ando Libano, thai dui šon sas khără. O Adoniramo sas mai baro pa le manuši la buteakă.

¹⁵O Solomono mai sas les eftavardeši mii manuši kai phiravenas le pharimata thai oxtovardeši mii kai šinenas le baŕ andel baŕlebară,

¹⁶avri andal šerălebară, ando dindimos dă trin mii thai trin šella, thodine le Solomonostar pa le butea thai thodine te dikhăn o dičimos le buteaitorengo.

¹⁷O thagar mothodea te ankalaven baŕ bară thai barimasa, dăltuime anda e temelia le khărăsti.

¹⁸Le buteaitorea le Solomonohkă, le Xiramohkă, thai le Ghibiliçea, dăltuisarde le, thai lašarde le kašt thai le baŕ andoa vazdimos le khărăhko.