Read Kalderash Romani Cornilescu Bible 2020 (Romania) 1 Kroničengo 23 Bible Online

1 Kroničengo 23 - Kalderash Romani Cornilescu Bible 2020 (Romania) bible

1 Kroničengo 23

¹O Davido, sas phuro thai čeailo desăngo, thodea pehkă šeaves le Solomonos thagar poa Israelo.

²O tidea sa le šerănlebarăn le Israelohkărăn, le rašan thai le Leviçăn.

³Kărdine o dindimos le Leviçăngo, dă kata treanda bărši opră; dinde po šero thai pel murši, arakhadi'le ando dindimos dă treanda thai oxto mii.

⁴Thai o David phendea: „Biši thai štar mii anda lende te dikhăn pal kandimata andoa Khăr le Raiehko, šov mii te aven barimatangă thai krisînitorea,

⁵štar mii te aven daritorea, thai štar mii te aven thodine te lăudin le Raies le instrumentença kai kărdem le kaste barearas Les.”

⁶O David xuladea le andel kîrduri pala le šeave le Levehkă: o Gheršon, o Chexat thai o Merari.

⁷Andal Gheršoniçea: o Laedan thai o Šimei.

⁸Le šeave le Laedanohkă: o šerobaro o Iexiel, o Zetam thai o Ioel, trin.

⁹Le šeave le Šimeiehkă: o Šelomit, o Xaziel thai o Xaran, trin. Kadala sas le šeră le khărăngă le daddengă la familiakă le Laedanosti.

¹⁰Le šeave Šimeiehkă: o Iaxat, o Zina, o Ieuš thai o Beria. Kadala să kola štar šeave le Šimeiehkă.

¹¹O Iaxat sas o šerobaro, thai o Zina o duito; O Ieuš thai o Beraia nas le but šeave, thai sas andekh korkoŕo khăr daddengo koa dindimos.

¹²Le šeave le Chexatohkă: o Amram, o Içexar, o Xebron, thai o Uziel, štar.

¹³Le šeave le Amramohkă: o Aaron thai o Moise. O Aarono sas thodino rigate te avel sfinçome sar but sfînto, o thai lehkă šeave ando veako, kaste anen tămîia angloa Rai, te kărăn Lehko kandimos, thai te dendumadămišto ando veako ando Anav Lehko.

¹⁴Ta le šeave le Moisahkă, o manuši le Devllehko, sas dinde ande semençia le Levesti.

¹⁵Le šeave le Moisahkă: o Gheršom thai o Eliezer.

¹⁶O šeau le Gheršomohko: o Šebuel, o šerobaro.

¹⁷Thai le šeave le Eliezerohkă sas: o Rexabia, o šerobaro; o Eliezer nas les aver šeau, ta le šeave le Rexabiahkă sas but dăsa koa dindimos.

¹⁸O šeau le Içexarohko: o Šelomit, o šerobaro.

¹⁹Le šeave le Xebronohkă: o Ieria, o šerobaro; o Amaria, o duito: o Iaxaziel, o trito; thai o Iekameam, o štarto.

²⁰Le šeave le Uzielohkă: o Mika, ošerobaro; thai o Išia, o duito.

²¹Le šeave le Merarehkă: o Mahli thai o Muši. Le šeave le Mahliehkă: o Eleazar thai o Chis.

²²O Eleazar mullo bi te avenles šeave; ta sas les šeia kai line le dă romnea le šeave le Chisehkă, lengă phral.

²³Le šeave le Mušiehkă: o Mahli, o Eder thai o Ieremot, trin.

²⁴Kadala sî le šeave le Levehkă, pala le khăra lengă daddengă, le šeră le khărăngă le daddengă, pala o dindimos kărdino dindoi o anv po šero. On sas thodine ando kandimos le Khărăhko le Raiehko, dă kata biši bărši opră.

²⁵Kă o Davido phendea: „O Rai, o Dell le Israelohko, dea xodinimos Pehkă poporos, thai bešela ando veako ando Ierusalimo;

²⁶thai le Leviçea či mai avena te phiraven e çăra thai sa le butea andoa kandimos lako.

²⁷Pala le kola mai palal mothodimata le Davidohkă, o dindimos le šeavengo le Leviçăngo kărdi'lo dă kata biši bărši opră.

²⁸Thodine paša le šeave le Aaronohkă andoa kandimos le Khărăhko le Raiehko, on sas te dikhăn le bareandar thai le odăiendar, anda o ujearimos sa le buteango le sfinçomengo, andoa pherdimos le kandimahko ando Khăr le Devllehko,

²⁹le manŕăndar andoa thodimos anglal le Raiehko, andai lulludi le arăsti anda le pativa le xabenehkă, andal plečinte bi xumerăhko, andal bokolea pekă ande tigaia, thai andal melea prăjime, anda sal măsuri dă andral thai dă lunjimos;

³⁰on sas te bešen ande sako droboito thai ande sako reat, kaste lăudin thai te barearăn le Raies,

³¹thai te anen biatărdimahko angloa Rai sa le phabarimata dă sa le Raiehkă, andel des le Savatohkă, šonutostar nevo thai andel desbară, pala o dindimos thai le lašardimata le phurikane.

³²Dikhănas la çăratar le arakhadimasti, andoa sfînto than thai andal šeave le Aaronohkă, lengă phral, andoa kandimos le Khăhko le Raiehko.