Read Kalderash Romani Cornilescu Bible 2020 (Romania) Ezra 8 Bible Online

Ezra 8 - Kalderash Romani Cornilescu Bible 2020 (Romania) bible

Ezra 8

¹Dikta le šeră le familiengă andal viçe le neamohkă kai ankăstine mança andoa Babilono, tala o raimos le Artasersohko.

²Andal šeave le Fineasohkă, o Gheršom; andal šeave le Itamarohkă, o Daniel; andal šeave le Davidohkă, o Xatuš,

³andal šeave le Šekanaiahkă; andal šeave le Pareošohkă, o Zaxaria, thai lesa ăkh šell thai panvardeši murši ramome;

⁴andal šeave le Paxat-Moabohkă, o Elioenai, o šeau le Zeraiahko, thai lesa dui šella murši;

⁵andal šeave le Šekanaiahkă, o šeau le Iaxazielohko, thai lesa trin šella murši;

⁶andal šeave le Adinohkă, o Ebed, o šeau le Ionatanohko, thai lesa panvardeši murši;

⁷andal šeave le Elamohkă, o Isaia, o šeau la Ataliako, thai lesa eftavardeši murši;

⁸andal šeave le Šefatiahkă, o Zebadia, o šeau le Mikaelohko, thai lesa oxtovardeši mii murši;

⁹andal šeave le Ioabohkă, o Obadia, o šeau le Iexielohko, thai lesa dui šella thai dešuoxto murši;

¹⁰andal šeave le Šelomitohkă, o šeau le Iosifiahko, thai lesa ăkh šell thai šovardeši murši;

¹¹anda le šeave le Bebaiahkă, o Zaxaria, o šeau le Bebaiahko, thai lesa biši thai oxto murši;

¹²andal šeave le Azgadohkă, o Ioxanano, o šeau le Xakatanohko, thai lesa ăkh šell thai deši murši;

¹³andal šeave le Adonikamohkă, kola palal, save anava dikta le: o Elifelet, o Ieiel thai o Šemaia, thai lença šovardeši murši;

¹⁴andal šeave le Bigvaiehkă, o Utai thai o Zabud, thai lença eftavardeši murši.

¹⁵Tidem le koa nanilaši kai thawdelas karing o Axava, thai ašileam oče trin des. Rodeam maškar o poporo i raša, thai či arakhleam oče či iekh andal šeave le Levehkă.

¹⁶Atunčeara tradeam te akharăn le šerănlebarăn le Elizeros, le Arielos, le Šemaias, le Elnatanos, le Iaribos, le Elnatanos, le Natanos, le Zaxarias thai le Mešulamos, thai le sîkaitoren le Ioiaribas thai le Elnatanas.

¹⁷Tradem le koa šerobaro o Ido, kai bešeklas ande Kasifia, thai thodem ande lengo mui so trăbunas te phenen le Idohkă thai lehkă phralengă le kanditorengă le Templohkă kai sas ande Kasifia, kaste anen kanditorea andoa Khăr le Devllehko amarăhko.

¹⁸Thai, anda kă o vast o lašo le Devllehko amarăhko sas pa amende, andine amengă le Serebias, murši godealo, andal šeave le Mahliehkă, o šeau le Levehko, o šeau le Israelohko, thai lesa le šeaven thai lehkă phralença, ando dindimos dă dešuoxto;

¹⁹le Xašabias, thai lesa le Isaias, anda le šave le Merariehkă, lehkă phralen thai lehkă šeaven, ando dindimos dă biši;

²⁰thai andal kandimatorea le Templohkă, saven o Davido thai le šerălebară thodinesas le ando kandimos le Leviçăngo, dui šella thai biši kanditorea le Templohkă, saoŕă dine po anau.

²¹Oče, koa nanilaši o Axava, vestisardem khă posto mekhlimahkotelal angla amaro Dell, kaste mangas Lestar khă phirimos baxtalo anda amende, anda amară šeave, thai anda sa so sas amaro.

²²Sas mangă lajau te mangau le thagarehkă khă oštirea avimasti thai grastarea kaste arakhăn ame po drom andal dušmaia, kă phendemas le thagarehkă: „O vast le Devllehko amarăhko sî, karing o mištimos lengo, pa sa kola kai roden Les, ta e zor thai e xolli Lesti sî pa sa kola kai mekăn Les.”

²³Anda kodea postisardeam thai akhardeam le Devlles amarăs.Thai O ašunde ame.

²⁴Alosardeam dešudui šerăbară andal raša, le Šerebias, le Xašabias, thai deši anda lengă phral.

²⁵Thodem ande toll angla lende o rup thai o sumnakai, thai le butea, dine ande pativ andoa Khăr le Devllehko amarăhko le thagarestar, le phenditorendar thai le šerăndarle barăndar lehkărăndar, thai kata sa kola andoa Israelo kai sas oče.

²⁶Dem ande lengă vast šov šella thai panvardeši talança rupune, butea rupune kha šellakă talançăngă, ăkh šell talança sumnakune,

²⁷biši tahtaia sumnakune dă khă mia dariči, thai dui šella vasurea xarkumakă šukar mardini, sa kaditi dă kuči sar o sumnakai.

²⁸Pala kodea phendem lengă: „San dine le Raiehkă. Le vasuri kadala sî butea sfinçomahkă, thai o rup thai o sumnakai sî khă pativ lašikamimasti kărdi le Raiehkă, le Devllehkă tumară daddengo.

²⁹Aven le iakhănça andel štar, thai len le butea kadala tala tumaro arakhaimos, ji kana thona le ando toll anglal šerălebară le rašangă thai anglal Leviçea, thai anglal šeră le familiengă le Israelohkă, ando Ierusalimo, andel kămări le Khărăhkă le Raiehkă.”

³⁰Thai le raša thai le Leviçea line o pharimos le rupehko, le sumnakahko thai le vasurengo, kaste nigrăn le ando Ierusalimo ando Khăr amară Devllehko.

³¹Teleardeam andoa nanilašo Axava, kaste jeas ando Ierusalimo, ando dešuduito des le šonehko anglal. O vast amară Devllehko sas pa amende, thai arakhlea me le mardimatăndar le dušmanohkă, thai or savea lopînzatar poa drom.

³²Arăsleam ando Ierusalimo, thai xodinisaileam oče trin des.

³³Ando štarto des, thodeam ando toll ando Khăr amară Devllehko o rup, o sumnakai thai le vasuri, kai deam le Meremetohkă, o šeau le Uriahko, o rašai. Lesa sas o Eleazar, o šeau le Fineasohko, thai andekhthan lença le Leviçea o Iozabad, o šeau le Iosuahko, thai o Noadia, o šeau le Binuiehko.

³⁴Avindoi rodine sa pala o dindimos thai pharimos, thodine atunčeara ando ramomos o pharimos saoŕăngo.

³⁵Le šeave la robiakă, amboldine andai robia, andine, sar phabarimos dă sa le Devllehkă le Israelohkă, dešudui guruwiça anda soa Israelo, îniavardeši thai šov bakră, eftavardeši thai efta bakrišoră, thai dešudui busne, sar jertfe iertimahkă, saoŕă sar phabarimos dă sa le Raiehkă.

³⁶Dine le mothodimata le thagarehkă le dregătoren le thagarehkărăn thai le tradinitorengă dă ordal o Nanilaši, kai kandine le poporos thai le Khărăs le Devllehkărăs.