Read Kalderash Romani Cornilescu Bible 2020 (Romania) Neemia 10 Bible Online

Neemia 10 - Kalderash Romani Cornilescu Bible 2020 (Romania) bible

Neemia 10

¹Dikta kolen kai thodine pesti bokoli: O dregătorii o Neemia, o šeau le Xakaliahko. O Zedechia,

²o Seraia, o Azaria, o Ieremia,

³o Pašxur, o Amaria, o Malchia,

⁴o Xatuš, o Šebanaia, o Maluk,

⁵o Xarim, o Mermot, o Obadia,

⁶o Daniel, o Ghineton, o Baruk,

⁷o Mešulam, o Abia, o Miiamin,

⁸o Maazia, o Bilgai, o Šemaia, le raša.

⁹Le Leviçea: o Iosua, o šeau le Azaniahko, andal šeave le Xenadadehkă, o Kadmiel,

¹⁰thai lengă phral, o Šebanaia, o Xodia, o Chelita, o Pelaia, o Xanan,

¹¹o Mika, o Rexob, Xašabia,

¹²o Zakur, o Šerebia, o Šebania,

¹³o Xodia, o Bani, o Beninu.

¹⁴Le šerălebară le poporohkă: o Pareoš, O Paxat-Moab, o Elam, o Zatu, o Bani.

¹⁵O Buni, o Azgad, o Bebai,

¹⁶o Adonia, o Bigvai, o Adin,

¹⁷o Ater, o Ezechia, o Azur,

¹⁸o Xodia, o Xašum, o Beçai,

¹⁹o Xarif, o Anatot, o Nebai,

²⁰o Magpiaš, o Mešulam, o Xezir,

²¹Mešezabeel, o Çadok, o Iadua,

²²o Pelatia, o Xanan, o Xašub,

²³o Xosea, o Xanania, o Xašub,

²⁴o Xaloxeš, o Pilha, o Šobek,

²⁵o Rexum, o Xašabna, o Maaseia,

²⁶o Axia, o Xanan, o Anan,

²⁷o Maluk, o Xarim, o Baana.

²⁸E kolaver rig le poporosti, le raša, le Leviçea, le udaitorea, le dilabaitorea, le kanditorea le Templohkă, thai sa kola kai xuladilesas le popoarendar le străinendar, kaste phirăn palai Kris le Devllesti, lengă romnea, le šave thai le šeia lengă, sa kai sas le prinjeandimos thai atearimos,

²⁹tide pe pehkă pralença mai dikhline maškar lende. Šinadine solaxaimasa thai solaxadine te phirăn ande Kris le Devllesti, dini andoa Moise, o robo le Devllehko, te arakhăn thai te pherăn sa le mothodimata le Raiehkă, o Stăpîno amaro, le lašardimata thai le krisa Lehkă.

³⁰Šinadeam te na das amară šeian pala le popoare le čemehkă thai te na las lengă šeian dă romnea pala amară šeave;

³¹te na tinas khanči, ando des le Savatohko, thai andel desalebară, katal popoare le čemehkă kai anena bitindimahko ando des le Savatohko butea or avervareso tindimahko, thai te mekas bibuteako e phuw ando bărši o eftato thai te na mangas o potindimos či khă unjilimahko.

³²Leam pa amende o unjilimos te das e trito rig andakh siklo andoa kandimos le Khărăhko amară Devllehko,

³³anda le manŕă andoa thodimos anglal le Raiehko, andai pativ le xabenesti biatărdimasti, andoa phabarimos dă sa biatărdimahko andal des le Savatohkă, anda le des le šonutohkă le nevehkă thai andal desllebară, anda sa le butea dine le Raiehkă, anda le jertfe le skăpimahkă andoa Israelo, thai anda sa so kărdeol pe ando Khăr amară Devllehko.

³⁴Çîrdeam kai bax, le raša, le Leviçea, thai o poporo, anda le kašt kai trăbunas andine ande sako bărši, sar pativ, koa Khăr le Devllehko amarăhko, pala le khăra amară daddengă, kal čiruri phendine, kaste aven phabarde po altarii le Raiehko, le Devllehko amarăhko, sar sî ramome ande Kris.

³⁵Phendeam te anas ande sako bărši koa Khăr le Raiehko le anglal roade la phuweakă amareakă thai kola dă anglal roade andal roduri sa le kašetengă;

³⁶te anas koa Khăr le Devllehko amarăhko, le anglal kărdines andal šave amară thai le jivinengă amarăngă, sar sî ramome ande Kris, le anglal kărdinen le gurumneangă thai amară bakreangă;

³⁷te anas le rašangă andel kămăruri le Khărăhkă amară Devllehkă, le abnglal pativa andai plămădeala thai andal pativa amară le xabenehkă, anda le roduri sa le kaštengă, andoa musto thai andoa zetino; thai te das dešimos anda amari phuw le Leviçăn, kai trăbun te len les orta on anda sal četăçi thodine pel phuwea kai kăras le buti.

³⁸O rašai, o šeau le Aaronohko, avela le Leviçănça kana vazdena o dešumos; thai le Leviçea anen o dešumos anda o dešumos koa Khăr le Devllehko amarăhko, andel kămări le khărăhkă la visteriakă.

³⁹Kă le šeave le Israelohkă thai le šave le Levehkă anena andel kămări kadala le pativa le divehkă, le mustohkă thai le zetinohkă; oče sî le butea le sfîntone thanehkă, thai oče bešen le raša kai kărăn o kandimos, le udaitorea, thai le dilabaitorea. Kadeadar mothodeam te na mekas o Khăr le Devllehko amarăhko.