Read Kalderash Romani Cornilescu Bible 2020 (Romania) Neemia 3 Bible Online

Neemia 3 - Kalderash Romani Cornilescu Bible 2020 (Romania) bible

Neemia 3

¹O baro rašai o Eliašib ušti'lo andekhthan pehkă phralença, thai vazdine o udar le bakreango. Sfinçosarde les, thai thodine lehkă le udara; sfinçosarde la dă kata o turno o Mea, ji koa turno o Xananeelo.

²Paša o Eliašib vazdine i le manuši andoa Ierixono; paša leste avilo i o Zakur, o šeau le Imrehko.

³Le šeave le Senaahkă vazdine o udar le mašengo. Garadeles le phaleança, thai thodine lehkă le udara, le phandadimata, thai le drugurea.

⁴Paša lende kărdea buti koa lašardimos le zîdohko o Meremot, o šeau le Uriahko, o šeau le Xaçokohko; paša lende kărdea buti o Mešulam, o šeau le Beršiahko, o šeau le Mešezabeelohko; paša lende kărdea buti o Çadok, o šeau le Baanahko:

⁵Paša lende butearde le Tekoiçea, savengă bară či thodine pe ando kandimos le Raiehko.

⁶O Ioiada, o šeau le Paseahko, thai o Mešulam, o šeau le Besodiahko, lašarde o udar o purano. Garadine les phaleança, thai thodine lehkă le udara, le phandadimata thai le druguri.

⁷Paša lende kărdea butio Melatia, o Gabanito, o Iadono, o Meronotito, thai le manuši andoa Gabaono thai Miçipa, ji koa skamin le dregătorehko dă ordal o nanilaši o Eufrato;

⁸paša lende kărdea buti o Uzielo, o šeau le Xaraxaiahko, maškar le rupearea, thai paša leste kărdea buti o Xanania, andal kărditorea le mirohkă. Zureardine o Ierusalimo ji koa zîdo o buflo.

⁹Paša lende kărdea buti o Refaia, o šeau le Xurohko, kai sas mai baro poa dopaši la phuweako le Ierusalimohko.

¹⁰Paša lende kărdea buti, angla pehko khăr, o Iedaia, o šeau le Xarumafohko, thai paša leste kărdea buti o Xatuš, o šeau le Xašabniahko.

¹¹Khă aver rig le zîdosti thai o turno le bourengo sas lašarde le Malchiastar, o šeau le Xarimohko, thai le Xašub, o šeau le Paxat-Moabohko.

¹²Paša lende kărdea buti, pehkă šeiança, o Šalum, o šeau le Xaloexešehko, o mai baro pa dopaši andal phuwea le Ierusalimohkă.

¹³O Xanun thai le bešlitorea le Zanoaxuluiohkă lašarde o udar la xareako. Vazdine les, thai thodine lehkă udara, le phandadimata thai le druguri. On mai kărdine ăkh mia koçea zîdohkă ji koa udar le gunoiehko.

¹⁴O Malchia, o šeau le Rekabohko, o mai baro pal phuwea le Bet-Xacheremohkă, lašardea o udar le gunoiehko. Vazdea les, thodea lehkă udara, le phandadimata thai le drugurea.

¹⁵O Šalun, o šeau le Kol-Xozehko, o mai baro pal phuwea la Miçipakă, lašardea o udar le isvorohko. Vazdea les, gardea les phaleança, thai thodea lehkă udara, le phandadimata, thai le drugurea. Kărdea o zîdo le iazohkoo Siloe pašai bar le thagaresti, ji kal skări kai ulen andai četatea le Davidosti.

¹⁶Pala leste o Neemia, o šeau le Abuzukohko, o mai baro andoa doapši andal phuwea le Bet-Çurohkă, kărdea buti koa lašardimos le zîdohko ji angla le mormînturi le Davidohkă, ji koa iazo kai sas vazdino, thai ji koa khăr le zuralengo.

¹⁷Pala leste kărdine buti le Leviçea, o Rexum, o šeau le Baniehko, thai paša leste kărdea buti, anda pesti phuw, o Xašabia, mai baro anda dopaši pal phuwea la Cheilakă;

¹⁸Pala leste kărdine buti lengă phral, o Bavai, o šeau le Xenadadohko, mai baro pa dopaši la phuweakă andai Cheila,

¹⁹thai paša leste o Ezer, o šeau le Iosuahko, o mai baro la Miçipako, lašardea aver rig le zîdosti, angla o ankăstimos le khărăhko le armengo, ando kolço.

²⁰Pala leste o Baruk, o šeau le Zabaiahko, lašardea zorasa khă aver rig, kata o kolço ji koa udar le bară rašahko le Eliašibohkă.

²¹Pala leste o Meremot, o šeau le Uriahko, o šeau le Xakoçohko, lašardea aver rig, dă kata o udar khărăhko le Elišabohko, ji koa gor le khărăhko le Elišabohko.

²²Pala leste kărdine buti le raša andal riga le Ierusalimohkă.

²³Pala lende o Beneamino thai o Xašub kărdine buti ando čeačio lengă khărăhko. Pala lende o Azaria, o šeau le Maaseiahko, o šeau le Ananiahko, kărdea buti paša pehko khăr.

²⁴Pala leste o Binui, o šeau le Xenadadohko, lašardea aver rig, dă kata o khăr le Azariahko ji koa undeo thai ji koa kolço.

²⁵O Palal, o šeau le Uzaiehko, kărdea buti angloa undeo thai ji angloa turno dă opral kai anklel andoa khăr le thagarehko, pašai bar le bečiosti. Pala leste kărdea buti o Pedaia, o šeau le Pareošohko.

²⁶Le kanditorea le Templohkă, kai bešen po pleai, kărdine buti ji ando čeačio le turnohko kai anklel avreal.

²⁷Pala lende le Tekoiçea lašarde aver rig, ando čeači le turnohko kolehko le baŕăhko, kai anklel avri ji koa zîdo le pleaiehko.

²⁸Opral o udar le grastengo, le raša kărdine buti sakogodi angla pehko khăr.

²⁹Pala lende o Çadok, o šeau le Imrehko, kărdea buti angla pehko khăr. Pala leste kărdea buti o Šemaia, o šeau nle Šekaniahko, o arakaitorii le udarăhko katarluludearălodes.

³⁰Pala leste o Xanania, o šeau le Xanunohko, o šovto šeau le Çalafohko, lašardine aver rig le zîdosti. Pala lende o Mešulam, o šeau le Berchiahko, kărdea buti angla pesti odaia.

³¹Pala leste o Malchia, andal rupearea kărdea buti ji kal khăra le kanditorengă le Templohkă thai le bitindorengă, ando čeačio le udarăhko dă opral andoa kolço.

³²Le rupearea thai le bitinditorea kărdine buti maškar e odaia dă opral andoa kolço thai o udar le bakreango.