Read Kalderash Romani Cornilescu Bible 2020 (Romania) Iov 1 Bible Online

Iov 1 - Kalderash Romani Cornilescu Bible 2020 (Romania) bible

Iov 1

¹Sas ando čem o Uç khă manuši kai bušolas Iov Thai o manuši kadoa sas bi bezexako thai ujeardo koa dii. O daralas le Devllestar, thai delasperigate katoa nasul.

²Kărdilea lehkă efta šave thai trin šeia.

³Sas les efta mii bakrea, trin mii kămile, panji šella jute guruw, panji šella čiušnea, thai khă baro dindimos kanditorengo. Thai o manuši kadoa sas o mai dikhlino anda sa le bešlitorea le Ludearimekamehkă.

⁴Le šave lehkă jeanas iekh ka aver, thai denas, širo po širo po khă govimos. Thai akharănas i kolen trine pheian lengă te xan thai te pen andekhthan lença.

⁵Thai pala so nakhănas le des le govimahkă, o Iov akharălas thai sfinçolas pehkă šaven: uštelas kana phaŕadeolas o des thai anelas anda sakogodi anda lende po khă phabarimos dă sa. Kă phenelas o Iov: „Daštil pe kă mîŕă šave bezexarde thai xollearde le Devlles ande lengo illo.” Kadea sas le Iovos o năravo te kărăl.

⁶Le šave le Devllehkă avile ande khă des ta dikhle pe angloa Rai. Thai avilo i o Beng ande lengo maškar.

⁷O Rai phendea le Bengăhkă: „Katar aves?” Thai o Beng deaanglal le Raies: „Kata o rodimos la phuweako thai kata o phirimos kai kărdem les pe late.”

⁸O Rai phendea le Bengăhkă: „Dikhlean Mîŕă robos le Iovos? Nai khonikh sar leste pe phuw. Sî khă manuši bi bezexako thai ujo koa dii, kai daral le Devllestar thai delperigate katoa nasul.”

⁹Thai o Beng dea anglal le Raies: „Ta dă ivea daral o Iov le Devllestar?

¹⁰Či nikărdean les Tu les, o khăr lehko thai sa so sî lehko? Deandumadămišto e buti lehkă vastendi, thai le kîrduri lehkă garaven o čem.

¹¹Ta le thai tinzosar ta Teo vast, thai azbata sa so sî les, thai sîm pateamno kă dela Tu armaia anglal.”

¹²O Rai phendea le Bengăhkă: „Dikta, dau tu po vast sa so sî les, dăsar pa leste te na tinzos o vast.” Thai o Satano teleardea angla o Rai.

¹³Andekh des, kana le šave thai le šeia le Iovohkă xanas thai penas moll ando khăr le phralerhko anglal kărdino,

¹⁴avilo koa Iov khă solo, kai phendea: „Le guruw phaŕavenas e phuw, thai le čiušnea xanasčear paša lende.

¹⁵Thai šude pe varesar Sabeenienea pa lende, line le, nakhadine le kanditoren andoa skuçîmos la sabiako. Dăsar me ašilem, kaste dau ašundimos.”

¹⁶Ta kana delas duma o înkă, avilo aver thai phendea: „E iag le Devllesti peli andoa čerii, thai astardea le bakrean thai te kanditoren, thai phabardea'le dă sa. Dăsar me ašilem, kaste dau tu ašundimos.”

¹⁷Ta kana delas duma o înkă, avilo aver thai phendea: „Varesar Xaldeenea, akhuwde ande trin kîrduri šude pe pa le kămile thai nakhadine te kanditoren andoa skuçîmos la sabiako. Dăsar me ašilem, kaste dau tu ašundimos.”

¹⁸Ta kana delas duma o înkă, avilo aver thai phendea: „Le šave tiră thai te šeia xanas thai penas moll ando khăr le phralehko anglal-kărdino.

¹⁹Thai andakhdata avili khă bravall bari dă înteal e pustia, thai maladea ande kola štar kolçuri le khărăhkă: o khăr pelo pal tărne, thai mulle. Thai dăsar me ašilem, kaste dau tu ašundimos.”

²⁰Atunčeara o Iov ušti'lo, šindea pesti raxami, mîŕadea pehko šero. Pala kodea šudea pe phuw thai rudisai'lo,

²¹thai phendea: „Nango ankăstem andoa păŕ mîŕa dako, thai nango amboldaua ma ando bărkh la phuweako. O Rai dea, o Rai lea, — dinodumadămišto te avel o Anau le Raiehko!”

²²Ande sa kadala, o Iov či bezexardea dă fel, thai či deaduma bipateamahko karing o Dell.