Read Kalderash Romani Cornilescu Bible 2020 (Romania) Iov 10 Bible Online

Iov 10 - Kalderash Romani Cornilescu Bible 2020 (Romania) bible

Iov 10

¹Bizumade ma la čivavatar! Dau drom slobodo mîŕă roimahkă, daua duma ando kărtimos mîîră diiehko.

²Me phenau le Devllehkă: „Na došar ma! Sîkau mangă anda soste xas Tu mança!

³Čeaileol Tu te tinuis, te na dabadikhăs e făptura Te vastendi, ando čiro so kărăs te străfeal Teo lašimos pa o divano kolengo le jungalengo?

⁴Ta sî tu iakha masăhkă, or dikhăs sar dikhăl khă manuši?

⁵Le des Tiră sî sar le des le manušehkă, thai le bărši Tiră sar lehkă bărši,

⁶kaste rodes e bikris mîŕî thai te rodes mîŕî bezex,

⁷kana jeanes mišto kă či sîm došallo, thai kă khonikh našti skăpil ma anda Teo vast?

⁸Te vast kărdine ma thai vazdine ma, on kărdine ma peste sa… Thai Tu te xasarăs ma!

⁹An Tukă godi kă Tu kărdean ma sar e phuwgalbăno; thai akana pale te paruves ma ande poši?

¹⁰Či muljisardean ma sar o thud? Či tegosardean ma sar khă tiral?

¹¹Xureadean ma morčeasa thai masăsa, astardean ma kokalença thai vînença;

¹²dean ma Teo laxšimos thai e čivava, garadean ma le phurdimasa andoa kandimos thai o arakhaimos Tiro.

¹³Dikta varesar so garavesas ande Teo illo, dikta, jeanau akana, so sas tu ande godi:

¹⁴kă, te bezexaraua, te les ma sama, thai te na iertis muŕo bikrisînimos.

¹⁵Kana sîm došallo, au mandar! Kana sîm bidošallo, či zumavau te vazdau muŕo šero, čeailo lajavestar thai spidino ando pîngărimos muŕo.

¹⁶Thai kana zumavau te vazdau les, phirăs pala ma sar khă leo, malaves ma buteança mirazohkă,

¹⁷Thos mangă anglal dui dikhlitorea pa mande, bareol Ti xolli pa mande, thai pherăs ma khă butimasa bibahtalimança.

¹⁸Anda soste ankaladean ma andoa păŕ mîŕa deiako? O, te mullino, thai iakh te na dikhlino ma!

¹⁹Sahkă avaua i sar nahkă avau, thai andoa păŕ mîŕa dako sahkă nakhau ando thanlemullimahko!

²⁰Nai mîŕî des dîstul dă xançî? Te mekăl ma kadea, te jealtar mandar, thai te phurdau xançî,

²¹anglal te jeautar, kaste na mai amboldau ma,

²²ando čem le tunerikohko thai la ušaleatar le mullimasti, ando čem kalimahko andră, kai rail e ušal le mullimasti thai o bilašarimos, thai kai e lumina sî sar o tuneriko!”