Read Kalderash Romani Cornilescu Bible 2020 (Romania) Iov 11 Bible Online

Iov 11 - Kalderash Romani Cornilescu Bible 2020 (Romania) bible

Iov 11

¹O Çofaro andoa Naama lea o divano thai phendea:

²Te ašel kadoa butimos le divanurengo bi dimahkoanglal, thai te pateal o limbuto kă sî les čeačimos?

³Kărăna te divanuri khančehkă le manušen te ašenmuto? Thai marăsa tukă khălimos avrăndar, bi te kărăl tu varekon lajavehko?

⁴Tu phenes: „Muŕo dikhlimos le dičimahko sî čeačio, thai sîm ujo ande Te iakha.”

⁵Uf! Te kamela o Dell te delduma, thai te pîtrăla Pehkă ušt te deltuanglal,

⁶thai te delarigate le garadimata Lehkă xaraimahkă, le xaraimahkă Lehkă bigorăhkă, dikhăsa atunčeara kă či potinel tukă pala o bikrisînimos tiro.

⁷Dašti phenes tu kă dašti atearăs le andraimata le Devllehkă, kă dašti arăsăs koa prinjeandimos biatărdimahko Kolehko Asea zurallo?

⁸Sode le čeruri dă učio: so dacti kărăsa? Mai andră dă sar o than le mullengo: so dašti jeanes?

⁹O tinzomos lehko sî mai lungo dă sar e phuw, thai mai buflo dă sar e marea.

¹⁰Kana astarăl, kana phandavel thai kana akharăl O kai kris, kon dašti atărdeară Les?

¹¹Kă O prinjeanel le kărditoren le nasulimahkărăn, dikhăl lesne le došalen.

¹²O manuši, perigate, sî les godi čealadesti, thai kărdi'lo sar o kuroŕo khă čiušehko văšuno!

¹³Tu ortosar teo illo karing o Dell, tinzosar te vast karing Leste.

¹⁴Dureo la bikrisatar, thai na mekh o bičeačimos te bešel ande ti çăra.

¹⁵Thai atunčeara, vazdesa teo čikat bi darako, avesa zurallo thai bi darako;

¹⁶bîstrăsa te dukhaimata, thai anesa tukă godi lendar sar varesar paiendar kai thawdine.

¹⁷Le des tiră străfeana mai zuralles sar o kham koa mismeri, o tuneriko tiro avela e lumina le drobimasti.

¹⁸Avesa pherdo pateaimos, thai o ajukărimos či avela tukă dăivea. Dikhăsa karing tute, thai dikhăsa kă daštisa te xodinisa ujeardo.

¹⁹Sovesa thai khonikh či biujearăla tu, thai but phirăna pala o lašimos tiro.

²⁰Ta le iakha kolengă le jungalengă bilana; on nai le than skăpimahko: o mullimos, dikta o ajukărimos lengo!”