Read Kalderash Romani Cornilescu Bible 2020 (Romania) Iov 12 Bible Online

Iov 12 - Kalderash Romani Cornilescu Bible 2020 (Romania) bible

Iov 12

¹O Iov lea o divano thai phendea:

²„Sar dašti phenela pe, ande čeačimaste, kă o čeledo le manušehko san tume, thai kă ăkhdata tumença merălla i o xaraimos!

³Sî ma i man godi sar tumende, či sîm mai telal dă sar tumende. Thai kon či jeanel le butea kai phenen le tume?

⁴Me sîm o prasaimos le amalengo mîŕăngo, kana mangau o kandimos le Devllehko: o čeačio, o bidošallo, o prasaimahko!

⁵O bidikhlimos ando bibaxtalimos! — dikta o phendimos kolengo le baxtale: de spidimata kolehkă kai istral le pînŕăsa!

⁶Le čiorăngă mekăl pe lengă çăre ande pačea, kolengă kai xollearăn le Devlles jeal pe lengă mišto, barem kă o Dell lengo sî ande dukhum.

⁷Pušta le jivinen, thai sîkavena tu, le čiriklean le čerehkă, thai on phenena tukă;

⁸de duma la phuweakă, thai sîkave la tu; thai le maše la mareakă divănina tukă.

⁹Kon či dikhăl ande sa kadala o čeačimos kă o vast le Devllehko kărdea sa kadala butea?

¹⁰O nikrăl ando vast o duxo a sa so trail, o phurdimos orsave statohko manušehko.

¹¹Či alosarăl o kan le divanuri, sar zumavel o taloi le xabenata?

¹²Kal phură arakhadeol pe o xaraimos, thai ande khă čivava lungo sî o prinjeandimos.

¹³Koa Dell sî o xaraimos thai zor; o divano thai o prinjeandimos Lehkă sî.

¹⁴So peravel O, či avela vazdino neo; kas phandavel O, khonikh či skăpila les.

¹⁵O atărdearăl o pai thai sa šuteol; O dele drom, thai pustin e phuw.

¹⁶Les sî les e zor thai o xaraimos; O stăpînil koles kai xasardeol or xasarăl avrăn.

¹⁷O lel robea le phenditoren, thai biujearăl o godimos le krisînitorengo.

¹⁸O pîtrăl o phnaglimos le thagarengo, thai thol lengă khă šelo karing le tičiuri.

¹⁹O lel robea le rašan; O delmuial kolen le zurallen.

²⁰O šinel e orba kolengă butearea kai orba; O lel e godi kolengo le phurăndi.

²¹O šorăl o bidikhlimos pa le bară, O pîtrăl o brečinari lezuralengo.

²²O delrigate so sî garado ando tuneriko, O anel lumina ande ušal le mullimasti.

²³O kărăl le neamuren te bareon, thai O xasarăle; O tinzole ji dur, thai O anele parpale pe lengă phuwea.

²⁴O lel e godi le šerălebarăngă le poporohko, O kărăle te xasaon andel pustiuri bi dromehkă,

²⁵kai mištin ando tuneriko, thai či dikhăn ortomasa; O kărăle te perăn sar varesar manuši mate.