Read Kalderash Romani Cornilescu Bible 2020 (Romania) Iov 14 Bible Online

Iov 14 - Kalderash Romani Cornilescu Bible 2020 (Romania) bible

Iov 14

¹O manuši kărdilo andai juwli, sî les e čivava tang, ta pherdi kăsnimata.

²Kărdeol thai sî šindo sar khă lulludi; našel thai xasaol sar khă ušal.

³Thai pa leste Tut sî Tu e iakh pîtărdi! Thai man çîrdes ma kai kris Tusa!

⁴Sar daštila te anklel anda khă manuši biujo khă manuši ujo? Či daštil te anklel či iekh.

⁵Kana le des lehkă sî mothodine, kana dindean lehkă šon, kana sămnosardean lehsti phuw kai našti nakhăla la,

⁶ambolde Tukă barem o dikhlimos lestar, thai deles meklimos, te aveles barem o bukurimos kai sî le butearisăs koa gor le desăhko.

⁷Khă kašt, sa mai sî les ajukărimos: kă kana sî šindo, bareol pale, thai pale del lulludimos.

⁸Kana phurilo lehko angluminos andai phuw, kana xasaol lehko stato ande poši,

⁹zălenil pale andoa khandimos le paiehko, thai del ŕaioŕa ta fal kă sas thodino neo.

¹⁰Ta o manuši kana merăll, ašel tinzome; o manuši, kana del pehko duxo, kai mai sî?

¹¹Sar xasaon i le paia andal iazuri, thai sar staxol thai šuteon le nanilašuri,

¹²kadea sovel i o manuši thai či mai uštel; sode avena le čerurea, či mai uštel, thai či mai uštel anda pesti lindri.

¹³Uf! Te garavesa ma ando than le mullengo, te thosa pa mande ji kana nakhăla Tukă e xolli, thai te lašardino mangă khă čiro kana anesa Tukă pale godi mandar!

¹⁴Kana o manuši ăkhdata mullo daštila te mai juwindil, sahkă mai çîrdau ajukărimos ande soa čiro mîŕă dukhăngo, ji kana parugleola pe o bešlimos ande sao arakhadiuau.

¹⁵Atunčeara akharăsa ma, thai daua Tu anglal, thai sahkă avel Tukă doro la făpturatar Te vastendi.

¹⁶Ta adesea dines mîŕî pašea, sîtu e iakh pa mîŕă bezexa;

¹⁷le ušteaimata mîŕă la krisakă sî bokoleardine ande khă tituša, thai inventos bikrisa ando thodimos muŕo.

¹⁸Sar peravel pe o baŕobaro thai xasaol, sar xasaol o kotorlebaŕăhko anda lehko than,

¹⁹sar sî o baŕ xalo le paiendar, thai sar sî lini e phuw le nanilašostar: kadea xasarăs Tu o ajukărimos le manušehko.

²⁰Phirăs pala leste sa andeiekh, thai jealtar; rimosarăs lehko mui, thai pala kodea des les drom.

²¹Te arăsăna le šave lehkă kai pativ, o či jeanel khanči; Te sî dinelajavehkă, nai les jeanglimos.

²²Dăsar anda leste o atearăl le dukha ande lehko stato, dăsar anda leste atearăltristomos ande pehko dii.”