Read Kalderash Romani Cornilescu Bible 2020 (Romania) Iov 15 Bible Online

Iov 15 - Kalderash Romani Cornilescu Bible 2020 (Romania) bible

Iov 15

¹O Elifazo andoa Temanlea o divano, thai phendea:

²Perăl pe te del o xarano sar dimosanglal khă xaraimos khančehko? Or te phutearăl pehko kolin bravalleasa andoa lulludearimos?

³Te phenel o čeačimos andel divanuri kai či kanden khančeste, thai andel phendimata kai či kanden khančeste?

⁴Tu xasarăs orta i e dar le Devllesti, xasarăs orsao atearimos pateaimasko angloa Dell.

⁵E bikris tiri tredel teo mui, thai ujilearăs odimosduma le manušengo le čiorimahkă.

⁶Na me, ta o mui tiro došarăl tu, le ušt tiră den duma pa tute.

⁷Tu san o manuši kai kărdi'lo anglal? Kărdilean Tu anglal pleaia?

⁸Sanas tu kal phendimata le Devllehkă; pilean anda lende o xaraimos anda tute?

⁹So jeanes tu thai ame te na jeanas i ame? So prinjeandimos sî tu kai te na avela me i amen?

¹⁰Maškar amende sî ball parne, phură, manuši phură, manuši desănça mai but dă sar teo dadd.

¹¹Xançî buti sî le răzgăimata le Devllehkă anda tute, thai le divanuri kai dentukăduma kaditi dă kovles? …

¹²Karing cîrdel tu o illo, thai so ameal kadoa dikhlimos orta te iakhăngo?

¹³So! Poa Dell ortos tu ti xolli, thai anklen tukă andoa mui divanuri sar kadala?

¹⁴„So sî o manuši, kaste avel ujo? Thai daštil kukoa kărdo andai juwli te avel bi bezexako?

¹⁵Kana nai pateamos le Devlles či ande Lehkă sfinçea, kana či le čerurea nai uje angla Leste,

¹⁶sodesa mai xançî o juvindimos e urîčioso thai rimome — o manuši, kai pel e bikris sar o pai”

¹⁷Kamau te sîtiuau, ašun ma! Phenaua sa so dikhlem,

¹⁸so sîkade le xarane, so arakhadine on, ašundindoi kata pehkă daddda,

¹⁹savengă korkoŕă desas pe lengă o čem, thai maškar či khă străino či avilosas înkă.

²⁰„O manuši kukoa o jungalo nigrăl ando biujimos sa le des pehka čivavakă, sal bărši savendar sî les rig kukoa o bikrisako.

²¹Çîpimata daraimahkă bašen ande lehkă kan: ando maškar le baxtallimahko, o pustiitoro šudela pe pa leste.

²²O či çîrdel ajukărimos te skăpil le tunerikostar, dikhăl e sabia kai sî pa leste;

²³prastel orde thai întea te rodel manŕo, jeanel kă ajukrăles o des le tunerikohko.

²⁴O năkazo thai o biujimos daravenles, thai šuden pe pa leste sar khă thagar gătome te marăl pe.

²⁵Kă vazdea o vast poa Dell, lea pe Kolesa Asa Zurallo,

²⁶thai sas les o zumaimos te šudel pe pa Leste la rigasa mai zurali leskuturengă lehkă.

²⁷Sas les o mui garado thulimasa, le tičiuri pherdine čikănesa,

²⁸thai bešelas andel četăçi xasardinea, andel khăra mekline, dine te aven peradine.

²⁹Či mai bravaolla, e mandin či mai bareola lehkă, thai o mandimos či mai tinzola pe pai phuw.

³⁰Či daštila te anklel andoa tuneriko, e para phabarăla lehkă ŕaioŕa, thai o Dell xasarăla les le phurdimasa Lehkă mosa.

³¹Kana pateal pe ando nasul, athadeol, kă o nasul avela lehko potindimos.

³²O avela anglal koa gor lehkă desăngo, thai ŕai lesti či mai zălenila.

³³Avela sar khă răz nandeardi le roadendi lakă înkă zălena, sar khă zetino savehkă lulludea peline.

³⁴Kă o khăr kolehko bikrisako arăsăla bišavengo, thai e çăra le manušesti le rimomenesti xalala e iag.

³⁵O kovlearăl o nasul thai kărăl nasul: ando bărkh lehko pekăl roade kai athaven les.”