Read Kalderash Romani Cornilescu Bible 2020 (Romania) Iov 17 Bible Online

Iov 17 - Kalderash Romani Cornilescu Bible 2020 (Romania) bible

Iov 17

¹Xasaol muŕo phurdimos, atărdeon mîŕă des, ajukrăl ma o thanlemullimahko.

²Sîm dinoroata prasaitorendar, thai iakh mîŕî musai te dikhăl karing lengă prasaimata.

³Tho Tu korkoŕo sumadi anda mande angla Tute; kadeadar, kon sahkă delanglal anda mande?

⁴Kă phandadean lengo illo angloa mui le prinjeandimahko. Anda kodea čina či mukăsa le te izbîndin.

⁵Kon del le amalen te aven pustiime, le šavengă kodolehkă bilana lengă iakha.

⁶Kărdean ma e paramiči le manušendi, thai sar iekh kai čiungardes les ando mui!

⁷E iakh phandadeol mangă dukhatar; sal kotoriça mîŕă sî sar khă ušal.

⁸Le manuši bi bezexako sî înkremenime anda kadea, thai kukoa o bidošalo vazdel pe pa kukoa o bikrisako.

⁹Kukoa bi bezexalo ašel varesar zurallo pe pehko drom, kukoa le vastença uje zureaol sa mai but.

¹⁰Ta tume saoŕă, ambolden tume, aven pale tumară phendimatança, thai sîkavaua tumengă kă maškar tumende nai khonikh xarano.

¹¹So! Gălinetar mîŕă des, xasaile mîŕă planurea, le planurea kodola kărdine kaditi kamblimasa ande muŕo illo…

¹²Thai on mai phenen kă e reat sî des, kă pašol e lumina, kana o tuneriko i avilo!

¹³Kana o Than le mullengo ajukrau les sar bešlimos, kana ando tuneriko vazdaua muŕo thanoŕo;

¹⁴kana çîpi la groapakă: „Tu san o dadd muŕo!” Thai le termengă: „Tume san mîŕî dei thai mîŕî phei!”

¹⁵Kai mai sî atunčera o ajukărimos muŕo? Thai kon mai dašti dikhăl o ajukărimos muŕo?

¹⁶O ulela mança kal udara le thanehkă le mullengo, kana jeasa andekhthan te xodinisaras ane poši.”