Read Kalderash Romani Cornilescu Bible 2020 (Romania) Iov 20 Bible Online

Iov 20 - Kalderash Romani Cornilescu Bible 2020 (Romania) bible

Iov 20

¹O Çofar andoa Naama lea o divano thai phendea:

²„Le gînduri mîŕă thon ma te dauanglal, thai o kovleardimos muŕo či del ma pačea.

³Ašundem xamata kai pherăn ma lajavehko, thai anda mîŕî godi andral o duxo kărăl ma te dauanglal.

⁴Či jeanes tu kă, dăbut dă sa, dă kana sas o manuši thodino pe phuw,

⁵o izbîndimos kolengo le jungalengo sas skurto, thai o bukurimos le bikrisînimasko sa ăkh leaka?

⁶Orta te vazdinisai'lo ji kal čerurii, thai lehko šero ji kal norea,

⁷xasaola anda orkana, sar o marimos lerhko, thai kola kai dikhănas les phenena: „Kai lo?”

⁸Xureala sar khă suno, thai či mai arakhăna les; xasaola sar khă vedenia reateati.

⁹E iakh kai dikhălas les či mai dikhăla les, o than ande sao bešelas či mai dikhăla les.

¹⁰Pa lehkă šave avena kola le čioŕă, thai le vast lehkă dena parpale so lea la zorasa.

¹¹Le kokala lehkă, pherde zor le tărnimasti, avelale than lesa ande phuw.

¹²Guglo sas o nasul ande lehko mui, garavelas les talai šib,

¹³čeambelas les thai či mekălas les, nikrălas les tala o taloi:

¹⁴ta o xamos lehko parugleola pe ande lehkă poŕa, arăsăla ando stato lehko otrava sapesti.

¹⁵Le bravalimata nakhadine šadelale, o Dell ankalavela le anda lehko păŕ.

¹⁶Otava sapesti pilea, thai anda kodea, e šib la năpîrkati mudarălales.

¹⁷Či mai phiravela pehkă dikhlimata pa le paioŕa thai le nanilašuri le avdinehkă thai le thudehkă,

¹⁸dela parpale so lea thai či mai çîrdela či khă valoso andoa kîštigo; dela parpale sa so lea, thai či mai bukurila pe lestar,

¹⁹kă mekleatelal le čioŕăn, thai meklea le te xasaon, peradea lengă khăra thai či vazdeale koa than.

²⁰O xarvalimos lehko či prinjeandea riga; ta či skăpila sostar sî les mai kuči.

²¹Khanči či skăpil anda lehko xarvalimos, ta lehko bešlimos mišto či nikrăla.

²²Ando maškar le bravallimahko avela ando nimos; o vast sa le čiorăngo vazdela pe pa leste.

²³Thai dikta, kaste pherăl lehko păŕ, o Dell tradela pa leste e iag Lehkă xollearimasti, thai čeailearăla les khă brîšindesa săjeçăngo.

²⁴Te skăpila le armendar le sastrehkă, pusavela les le arkosa la xarkumako.

²⁵Çîrdel pehkă anda o stato e săjeata, kai phabol andoa ankăstimos anda lesti fierea, thai astarăn les le daraimata le mullimahkă.

²⁶Sa le bibaxtalimata sî garade anda lehkă mandina; avela phabardo kha iagatar kai či astarăla la o manuši, thai so mai ašela ande lesti çăra avela phabardo iagatar.

²⁷Le čerurii nandearăna lesti bikris, thai phuw vazdela pe pa leste.

²⁸Le avimata lehkă khărăghkă xasaona, xasaona ando des la xolleako le Devllesti.

²⁹Kadea sî e bax kai garavela o Dell kolehkă le jungalehkă, kadoa sî o mandimos kai motholekă les o Dell.”