Read Kalderash Romani Cornilescu Bible 2020 (Romania) Iov 21 Bible Online

Iov 21 - Kalderash Romani Cornilescu Bible 2020 (Romania) bible

Iov 21

¹O Iov lea o divano thai phendea:

²„Ašunen, ašunen le divanuri mîŕă, den ma barem kadoa lašimos.

³Mekăn ma te dauduma, rudi tume; thai, pala so dauaduma, daština te marăn tumengă khălimos.

⁴Ta anda khă manuši ortol pe muŕo roimos? Thai anda soste či vaua biajukărdimahko?

⁵Dikhăn ma, mririn tume, thai thon tumengă o vast koa mui.

⁶Kana dau ma godi, darauau, thai izdrau anda soa stato:

⁷Anda soste train kola le jungale? Anda soste dikhăs le phurindoi thai barindoi ande zor?

⁸E sîmînça lendi zureaol lença thai angla lende, le šave lengă bareon talal iakha lengă.

⁹Ande lengă khăra rail e pačea, bi ušal darati; e ŕai le Devllesti či avel te malavele.

¹⁰Le guruw lengă sî pherde čivava thai butimahkă, Le gurumnea lengă kărăn thai či šuden.

¹¹Mekăn pehkă šaven te phaŕadeon sar varesar bakrea, thai le šave lengă prastaindoi paša lende.

¹²Dilaban bašimasa tobako thai arfako, čeileon bašimasa kavalohko.

¹³Nakhăn lengă des ando baxtalimos, thai ulen andekh leaka ando than le mullengo.

¹⁴Thai varesar phenenas le Devllehkă: „Telear amendar. Či kamas te prinjeanas le droma Tiră.

¹⁵So sî Kukoa Asa zurallo, kaste kandas Les? So lasa kana vazdasas Lehkă rudimata?”

¹⁶So! Nai on ando stăpînimos le baxtalimahko? — Dur mandar o divano kole ăl jungalengo! —

¹⁷ta butivar kărdeol pe te phaboll lendi momelli, te avel o čioŕîmos pa lende, te del le i len o Dell lendi rig le dukhăndi ande xolli Lesti,

¹⁸te aven sar o sullum lino la bravalleatar, sar e poši lini la bravalleoratar?

¹⁹Phenena kă anda Lehkă šave garavel o Dell o došallimos. Ta les, le bikrisako, trăbul te došară les o Dell, kaste atearăl;

²⁰o trăbulas te dikhăl pehko xasarimos, o trăbulas te pell andai xolli Kolesti Asazurallesti.

²¹Kă, kas fal so avela o khăr lehko pala leste, kana o dindimos le šonengă pherdi'lo lehkă?

²²Ta le Devlles sîkavasas Les godi, Les, kai tradel le duxurea le čerehkă?

²³Iekh merăll ando maškar le barimahko, la pačeako thai le baxtallimahko,

²⁴le tičiurença pherdine thulimasa, thai la măduvasa le kokalendi pherdi suko.

²⁵Aver merăll le kărtimasa ando dii, bi te bukurisailino dă vokh baxtallimos,

²⁶thai lidui soven ande phuw, lidui sî xaline le termendar.

²⁷Jeanau me mišto save sî le gănduri tumară, so krisa bičeače phenen pa mande.

²⁸Tume phenen: „Kai sî o khăr le meklimatorehko? Kai sî e çăra ande sao bešenas le bikrisîmene?”

²⁹Ta so! Či pušlean le phiraitoren, thai či jeanen so phenen on?

³⁰Sar ando des le bibaxtalimahko, kukoa o nasul sî meklino, thai ando des la xolleako, o skăpil.

³¹Kon lel pe lesa ando mui anda lehko phirimos? Kon potinel lehkă sa so kărdea?

³²O sî nigărdo kai groapa, thai thol pe lehkă khă straja koa thanlemullimahko.

³³Le kotora la phuweakă andai xar sîlehkă biphară, kă sal manuši jean pala leste, thai khă butimos jeal lehkă anglal.

³⁴Anda soste den ma kadea lašimata khančehkă? So mai ašel andal dimatanglal tumară dă sar čiorimos?”