Read Kalderash Romani Cornilescu Bible 2020 (Romania) Iov 23 Bible Online

Iov 23 - Kalderash Romani Cornilescu Bible 2020 (Romania) bible

Iov 23

¹O Iov lea o divano thai phendea:

²Thai akana o roimos muŕo sî sa khă ambodimosvazdimahko. Kana o dukhaimos staxol mîŕă roimata.

³Uf! Te jeanua kai te arakhau Les, thai kana daštiua te arăsau ji koa skamin Lehko le raimahko,

⁴sahkă čeačeara ma angla Leste, sahkă pherau muŕo mui čeačimatănça.

⁵Jeanau so daštila te delanglal, sahkă dikhau so sî te phenel mangă.

⁶Sahkă thol O sa pesti zor kaste marăl pe mança? Či; ta ašunelas ma biathaimahko.

⁷Dăsar khă manuši bi bezexako dašti del duma Lesa, thai sahkă avau iertime anda orkana le Krisînitorestar mîŕăstar.

⁸Ta, te jeau karing lulludearălokham, nai oče; te jeaua karing perălokham či arakhau Les:

⁹kana sî Les buti karing avelereat, našti dikhau Les; kana garadeol karing avelodes, našti arakhau Les.

¹⁰Ta O jeanel sao drom phirdem; thai, te zumavela ma, ankleaua ujo sar o sumnakai.

¹¹O punŕo muŕo nikărdea pe le pašendar Lehkă; nikărdem o drom Lehko, thai či demarigate pa leste.

¹²Či meklem le mothodimata le uštengă Lehkă; bandi'lo muŕo kamimos kal divanuri le mohko Lehkă.

¹³Ta o phendimos Lehko sî lino, kon daštila te thol pe? So kamel Lehko duxo, kodea kărăl.

¹⁴O pherăla pehkă planuri angla mande, thai mai kărăla i but aver.

¹⁵Anda kodea izdaru angla Leste, thai kana dau ma godi kai buti kadea, darau Lestar.

¹⁶O Dell šindea muŕo illo, Kukoa Asazurallo pherdea ma daratar.

¹⁷Kă na o tuneriko la dukhako mîŕako xasarăl ma, či o kalimos ande sao sîm văluime.