Read Kalderash Romani Cornilescu Bible 2020 (Romania) Iov 24 Bible Online

Iov 24 - Kalderash Romani Cornilescu Bible 2020 (Romania) bible

Iov 24

¹Anda soste či arakhăl Kukoa o Asazurallo le čiruri le krisînimahkă, thai sostar či dikhăn kola kai prinjeanen Les le des Lehkă le došalimahkă?

²Sî iekh kai mutin le phuwea, čiorăn le kîrduri, thai nigrăn le kai čear;

³len o čiuši le bidaddehko, len sumadi e gurumni la phiwleati;

⁴spiden andoa drom kolen kai naile, sal bibaxtalen andoa čem la zorasa thon le te garadeon.

⁵Thai kadala, sar le čiuši le văšune andai pustia, anklen dă droboitu kai buti te roden xamos, anda pehkă šave.

⁶Šinen o nutreço kai mai ašilo po kîmpo, tiden le drakha ašiline pai urma le tiditorendiandai răz kolesti bikrisako.

⁷Astarăle e reat ando tindearimos, bi çalengo, bi văluimos andoa šill.

⁸Perăl pe lende o brîšind le baŕăbarăngo, thai, biavindoi le aver garadimos, tiden pe pašal kotoralebaŕăhkă.

⁹Kodola çîrden le biddehkărăs katai čiuči, len sumadi sa so sî le čioŕăs.

¹⁰Thai le čioŕă phirăn nangă dă sa, bi çoalengo, tiden drăza thai sî bokhale;

¹¹andel barea le bikrisahkă on kărăn zetino, ušteaven o teasko thai sî lengă truši;

¹²andel četăçi ašundeo pe le çîpimata kolengă kai merăn, o duxo kolengo dukhade çîpil… Thai o Dell či lel sama ka kadala čiorimata!

¹³Aver sî le dušmaia la luminakă, či prinjeanen lakă droma.

¹⁴O mudaritorii uštel kana phaŕadeol o des, mudarăl koles čioŕăs thai naimahko, thai reate čiorăl.

¹⁵E iakh le butkurvaresti pîndil o perimoslekhamehko: „Khonikh či dikhăla ma,” phenel o, thai thol pehkă khă dikhlo po mui.

¹⁶Reate phaŕaven le khăra, desă bešen phandade; daran la luminatar.

¹⁷Anda lende, o droboitu sî e ušal le mullimasti, thai kana dikhăn la, atearăn sal daraimata le merimahkă.

¹⁸Ta o bikrisako istral lesne po mui le paiengo, pe phuw nai les numai khă rig diniarman, thai čiăkhdata či astarăl po drom kolengo le juwidengo!

¹⁹Sar pel e sčeta thai o tatimos le paia le iwehkă, kadea nakhavel o than le mullengo kolen kai bezexarăn.

²⁰O păŕ la deiako bîstrăles, le terme čeaileon anda leste, khonikh či mai anel pehkă godi lestar! O bikrisako sî linčeardo sar khă kašt,

²¹o, kai čiorălas la juwlea birodohko thai bi šavengo, o kai či kărălas či khă mišto la phiwleakă! …

²²Thai varesar, o Dell andai zor Lesti lunjearăl le des kolengă le sîlničengă, thai dikhta le ande pînŕănde kana či mai çîrdenas ajukărimos čivavako;

²³O dele ujimos thai pateaimos, sîles iakha ortome karing lengă droma.

²⁴Vazdinisai le; thai andekh leaka manai, perăn, merăn sar sal manuši, sî šindine sar le spikuri le pakă.

²⁵Nai kadea? Kon čeačiarăla ma xoxaimastar, kon xasarăla le divanuri mîŕă?”