Read Kalderash Romani Cornilescu Bible 2020 (Romania) Iov 28 Bible Online

Iov 28 - Kalderash Romani Cornilescu Bible 2020 (Romania) bible

Iov 28

¹O rup sî les khă mina katar ankalavel pe, thai o sumnakai să les khă than katar sî ankalado kaste avel ujeardo.

²O sastri ankalavel pe andai phuw, thai o baŕ bilaol kaste del e xarkuma.

³O manuši thol gor le tunerikohkă, rodel, ji ande le phuwea le mai andră, le baŕ garade ando kalimos thai ande ušal le mullimasti.

⁴Xunavel khă xaing dural le thanendar le bešlimahkărăndar; le pînŕă manai lehkă kandimahkă, bešel phanglo thai mištil pe, dur le thanendar le manušengărăndar.

⁵E phuw, katar anklel o manŕo, sî phaŕadino andral lati sar la iagatar,

⁶le baŕ lakă sî le safiro, thai ande late arakhadeol poši sumnakui.

⁷E čirikli kai xal či prinjeanel o drom. E iakh le vulturosti či dikhlea la,

⁸kola mai barimahkă jiwine či ušteade pe late, thai o leo či nakhlo čiăkhdata pa late.

⁹O manuši thol pehko vast po kotorlebaŕăhko la kremenako, thai delmuial le baŕlebară dă andoa angluminos.

¹⁰Xunavel šançuri andel kotoralebaŕăhkă, thai lesti iakh dikhăl sa so să mai kuči ande lende.

¹¹Atărdearăl o thawdimos le paiengo, thai ankalavel kai lumina so sî garado.

¹²Ta o xaraimos kai arakhadeol? Kai sî o than le prinjeandimahko?

¹³O manuši či prinjeanel lako potindimos, oi či arakadeol pe ande phw kolendi le juwindendi.

¹⁴O andraimos phenel: „Nai ande mande”; thai marea phenel: „Nai mande.

¹⁵Oi či del pe ando paruglimos le sumnakahko le ujehko, či tinel pe ando toll le rupesa;

¹⁶či thol pe ando toll po sumnakai andoa Ofiro, či po oniso kukoa o kuči, či po safiro.

¹⁷Či dacti ameal le sumnakasa, či le diamantosa, či dašti parugleol pe khă vasosa andoa sumnakai alosardo.

¹⁸O mărjeano thai o kristalo nai khanči paša leste: o xaraimos kărăl mai but dă sar sa le mărgăritare.

¹⁹O topazo andai Etiopia nai sar leste, thai o sumnakai o ujo či thol pe lesa.

²⁰Katar avel atunčeara o xaraimos? Kai sî o than le prinjearimahko?

²¹Sî garado le iakhăndar sa kolendar le juvidendar, sî garado le čirikleandar le čerehkă.

²²O andraimos thai o mullimos phenen: „Ame ašundeam dindoipeduma pa leste.”

²³O Dell jeanel lehko drom, O prinjeanel lehko than.

²⁴Kă o dikhăl ji kal riga la phuweakă, dikhăl sa talal čerurii.

²⁵Kana lašardea o pharimos la bravalleako, thai kana mothodea e măsura le paiendi,

²⁶kana dea krisa le brîšindes, thai kana sămnosardea o drm le trăsnetohko thai le bašlimahkoandodel,

²⁷atunčeara dikhleao xaraimos thai sîkadeales, thodea lehkă temelii koa zumaimos.

²⁸Palakodea phendea le manušehkă: „Dikta, e dar le Devllestar kadoa sî o xaraimos; o durimos le nasulimatăstar, sî prinjeandimos.”