Read Kalderash Romani Cornilescu Bible 2020 (Romania) Iov 29 Bible Online

Iov 29 - Kalderash Romani Cornilescu Bible 2020 (Romania) bible

Iov 29

¹O Iov lea pale o divano andel pilde, thai phendea:

²Au! Sar našti te avau sar andel šon kai nakhle, sar andel des kana arakhălas ma o Dell,

³Kana e momelli lesti străfealas pa muŕo šero, thai e Lumina lesti phiravelas ma ando tuneriko!

⁴Sar či sîm andel des la zorakă mîŕakă, kana o Dell dikhălas sar khă amal pa mîŕî çăra,

⁵kana Kukoa Asazurallo sas mança, thai kana mîŕă šave bešenas dineroata paša mande;

⁶kana naionas mîŕă pašea ande čill, thai o kotor le baŕăhko šorălas paša mande paiora zetinohkă!

⁷Kana ankleauas te jeau koa udar la četateako, thai kana lašarauas mangă khă skamin ande piaça,

⁸le tărne çîrdenas pe parpale ka muŕo pašimos, le phură uštenas thai ašenas and pînŕănde.

⁹Le mai bară atărdearănas pehkă divanuri, thai thonas o vast koa mui.

¹⁰O mui le šerăle barăngo ašelasmuto, thai astardeolas lendi šib le taloiestar.

¹¹O kan kai ašunelas ma, phenalas mangă baxtalo, e iakh kai dikhăslas ma lăudilas ma.

¹²Kă skăpiuas le čiorăs kai mangălas kandimos, thai le bidaddehko kai mangălas nikărdimos.

¹³O dimosduma le bibaxtalehko avelas pa mande, pherauas bukurimahko o illo la phiwleako.

¹⁴Xureavauas ma le čeačimasa thai kanadauas lehkă le xureaimasa, o bibezexalimos sas măŕî raxami thai o turbano.

¹⁵Le koŕăhkă sîmas lehkă iakh, thai le langăhkă punŕo.

¹⁶Kolengă le bibaxtalengă sîmas lengă dadd, thai raodauas o čeačimos kolehko biprinjeando.

¹⁷Phagauas e falka kolesti le bičeačesti thai çîrdauas lehkă o limos andal dandd.

¹⁸Atunčeara phenauas: „Ande muŕo kuibo meraua, le des mîŕă avena but sar e tišai.

¹⁹O pai šola pe ande anglunimata mîŕă, e iasflebrîšindesti bešela soŕo reat pa mîŕă ŕaia.

²⁰E slava mîŕî zălenila biatărdimahko, thai o arko tărneaola ande muŕo vast.”

²¹Le manuši ašunenas ma thai ajukrănas, ašenasmuto anglal phendimata mîŕă.

²²Pala le phendimata mîŕă, či iekh či delasanglal, thai o divano muŕo sas anda sa khă iasfpaiesti lašimatasti.

²³Ajukrănas ma sar le brîšindes, kaštinas sar pala o brîšind le anglamillaiehko.

²⁴Kana kovleolas lengo illo, asauas lengă, thai našti našavenas o străfeaimos pa muŕo čikat.

²⁵Čeaileolas ma te jeau lende, thai thoauas ma ande lengo čikat; sîmas sar khă thagar ando maškarkha oštireako, sar khă lašitorii paša le varesar tristonome.