Read Kalderash Romani Cornilescu Bible 2020 (Romania) Iov 3 Bible Online

Iov 3 - Kalderash Romani Cornilescu Bible 2020 (Romania) bible

Iov 3

¹Pala kodea, o Iov pîtărdea o mui thai dea armaia o des ande sao kărdi'lo.

²Lea o divano thai phendea:

³„Dinoarman te avel o des ande sao kărdilem, thai e reat kai phendeas: „Kărdi'lo khă šaoŕo dă rig muršani!”

⁴Parugleol pe ando tuneriko o des kodoa, te na mai kandel pe o Dell lestar andoa čerii, thai te na mai străfeal e lumina pa leste!

⁵Te astarăla o tuneriko thai e ušal le merimasti, norea thulle te aven pa leste, thal negurea poa des te daraven les!

⁶E reat kodea! Te garavela o tuneriko, te xasaol abndoa bărši, te na mai avel dindi maškar le šon!

⁷E, sterpo te avel e reat kodea, jealatar o veselimos anda late!

⁸Diniarman te avel kolendar kai den armaia le des, kolendar kai jeanen te xollearăn le Krokodilos;

⁹te kaleon le čeraia andoa peraimos lengo, dă ivea te ajukrăn e lumina, thai te na mai dikhăl e iakh le zorendi o des!

¹⁰Kă či phandadea o păŕ sao kărdea ma, čina či garadea o dukhaimos angla mîŕă iakha.

¹¹Sostar či mullem ando păŕ mîŕa dako? Sostar či dem muŕo duxo koa ankăstimos anda lako păŕ?

¹²Sostar arakhlem čeanga kaste len ma? Thai čiučea kai te den ma thud?

¹³Akana sahkă avau suto, sahkă avau Ujeardothai sahkă xodini ma, Sahko sovau thai sahkă čiiosarau ma

¹⁴le thagarnença kolença le barănça pai phuw, kai vazde pehkă barimahkă thanamullimahkă,

¹⁵le raiença kai sas le sumnakai, thai pherdine pehkă khăra rupesa.

¹⁶Or nahkă mai avau ande čivava, sahkă avau khă nakota praxome, sar varesar šaoŕă kai či dikhline e lumina!

¹⁷Oče či mai dukhaven tu kola le nasul, oče xodinin pe kola strandine zorandar.

¹⁸Oče kola thodine andel lançuri sî mekline îmapače, či mai ašunen o mui le meklitorehko;

¹⁹kukoa o çînoro thai kukoa o mai baro sî sa iekh oče, thai o robo skăpil pehkă stăpînostar.

²⁰Anda soste del o Dell lumina kolehkă kai dukhadeol, thai čivava kolengă kărkă koa dii,

²¹kai ajukrăn o mullimos thai či mai avel; barem kă kamen les mai but dă sar khă bravallimos,

²²save našti mai daštin bukurimastar thai vesălimastar, te arakhlino o than le merimahko?

²³Andasoste, phenau, kă O del lumina le manušes kai či jeanel karing te jeal, Saves tideles o Dell anda sal riga?

²⁴Le roimata sî muŕo xabe dă sako des, thai o jelimos šordeol mangă sar o pai.

²⁵Sostar darau, kodea kărdeol pe mangă; sostar sî mangă dar, anda kodea sî ma rig!

²⁶Nai ma či ujimos, či pačea, či xodinimos, thai o năkazo del pa mande.”