Read Kalderash Romani Cornilescu Bible 2020 (Romania) Iov 30 Bible Online

Iov 30 - Kalderash Romani Cornilescu Bible 2020 (Romania) bible

Iov 30

¹Thai akana! … Arăslem asamahkă kolengă mai tărne sar mande, savengă dadda či dinauas le vreničea te thoau le maškar le jukăl mîŕă kîrdohkă.

²Ta ka soste valosîla ma e zor lengă vastendi, kana on nas arăsline te arăsăn koa phurimos?

³Nakhadine čioŕîmastar thai bokhalimastar, našen andel thana šukă, dă but čiro mekline thai pustii.

⁴Çîrden le čearea le šukă paša le kaštoră, thai nai le dă sar manŕo numai o angluno le buksaohko.

⁵Sî našadine andoa maškar le manušengo, çîpil e luma pala lende sar pala varesar čior.

⁶Bešen andel xarea daraimahkă, andel thanalešudră la phuweakă thai andel kotoralebaŕăhkă.

⁷Xunxuin maškar le ruguri, thai tiden pe talal kanŕă.

⁸Manuši khančehkă thai bidikhline, sî našadine andoa čem.

⁹Thai akana, kadalendar manuši thon ma ande lengă dillea, arăslem o prasaimos lengo.

¹⁰Čidabadikhăn ma, denmaroata, čiungarden ma po mui.

¹¹Či mai denparpale te asan mandar, manai le či khă atărdimos angla ma.

¹²Le čior kodola ušten kai čeači mîŕî, thai spiden mîŕă pînŕă, thai šinen pehkă droma pa mande kaste xasarăn ma.

¹³Pharaven muŕo drom thai kărăn buti kaste xasarăn ma, on, savengă khonikh či avelas lengă ando kandimos.

¹⁴Sar andakh bufllo phaŕaimos aven karing mande, aven tala o bašlimos le peradimatăngo.

¹⁵Astarăl ma e dar. Mîŕî slava sî phurdini sar e bravall, sar khă noro nakhlo muŕo baxtalimos.

¹⁶Thai akana, bilal o dii anda mande, thai astarde ma le des le dukhaimahkă.

¹⁷E reat šol pe ande ma thai çîrdel mîŕă kokala, e dukh kai xal ma či atărdeol.

¹⁸Le zuraimastar la dukhako e raxami xasarăl pehko mui, astardeol mangă le statostar sar khă gad.

¹⁹O Dell šudea ma ande čikh, thai arăslem sar e poši thai o ušar.

²⁰Çîpi karing Tute, thai či desma anglal; bešeau ande pînŕănde, thai či dikhăs ma.

²¹San bi millako angla ma, marăstu mança le zurallimas Te vastengo.

²²Vazdes ma, des ma drom sar la bravallea, thai xasarăs ma le phurdimasa barobrîšindehko.

²³Kă jeanau kă nigrăs ma koa merimos, ando than kai arakhadeon sa kola le juwinde,

²⁴Ta kukoa kai perăl či tinzol pehkă vast? Kukoa ando bibaxtalimos či mangăl kandimos?

²⁵Či rovauas me koles le kărtes? Nas mîŕă illes mila anda kukoa kai nasles?

²⁶Ajukrauas ma koa baxtallimos, thai kana kote, o bibaxtallimos avilo pa mande; çîrdauas ajukărimos luminatar, thai kana kote, avilo o tuneriko.

²⁷Tireon mîŕă poŕa bi atărdimahko, astarde ma le des le dukhaimahkă.

²⁸Phirau kaleardo, ta na le khamestar. Ušteau ando pherdo tidimos, thai çîpi kandimos.

²⁹Arăslem phral le šakalença, jeno le štruçurença.

³⁰E morčii kaleol mangă thai perăl, ta le kokala phabon mangă thai šuteon.

³¹E xarfa mîŕî paruglili ando instrumento roimahko, thai o kavalo muŕo ankalavel bašlimata roimahkă.