Read Kalderash Romani Cornilescu Bible 2020 (Romania) Iov 31 Bible Online

Iov 31 - Kalderash Romani Cornilescu Bible 2020 (Romania) bible

Iov 31

¹Kărdemas phanglimos le iakhănça mîŕă, thai nahkă atărdearaoas le dikhlimata pa vokh šeibari.

²Ta so bax garadea mangă o Dell opral? So mandimos tradea mangă Kukoa Asazurallo andal čerurii?

³O xasarimos ta nai anda kukoa o jungalo, thai o bibaxtalimos anda kukola kai kărăn e bikris?

⁴Či prinjeandea o Dell le droma mîŕă? Či dindea O sa mîŕă pašea?

⁵Kana phirdem le xoxaimasa, ta prastaia muŕo punŕo pala o athadimos:

⁶te kîntăril ma o Dell ando toll kolengo bi bezexako, thai dikhăla muŕo bibezexalimos!

⁷Sostar pelo muŕo paso poa drom kukoa o orta, te phirdino muŕo illo palal iakha, te astardilino vokh marimos mîŕă vastendar,

⁸atunčeara me te thoaw thai aver te tidel, thai le šave mîŕă te aven bianglunime!

⁹Te avilino muŕo illo xoxamno vokh juwleatar, te pîndisardino koa udar mîŕă pašehko,

¹⁰atunčeara e romni mîŕî te măčinil anda aver, thai te asasn pehkă aver latar!

¹¹Kă kadea sahkă avel khă bikris, khă bezexalimos vreniko te avel došaldo le krisînitorendar,

¹²khă iag kai phabarăl ji koa xasarimos, thai sao sahkă phabarăl sa muŕo bravalimos.

¹³Te na dindino o čeačio la kanditorehko or la kanditoareako mîŕako, kana xanas pe mança,

¹⁴so dašti te kărau, kana vazdel pe o Dell? So daštiua te dauanglal kana došarăl O?

¹⁵Kukoa kai kărdea ma man ando păŕ mîŕa dako, či kărdea les i les? Ta či kărdea me sa kodoa Dell ando păŕ la dako?

¹⁶Te na dino le čiorăngă so mangănas mangă, te kărdino te bilan le iakha roimastar la phiwleakă,

¹⁷te xalino korkoŕo muŕo manŕo, bi ka o biddehko te avilino i les rig anda leste,

¹⁸me, kai andoa tărnimos bareardem les sar khă dadd, me, kai dă kata o kărimos nikărdem la phiwlea;

¹⁹te dikhlino koles le bibaxrtales nigărindoi naimos çoalengo, kukoles kai nailes văluimos,

²⁰bi ta o illo lehko te delmadinodumadămišto, bi te avilino tateardo la pošomatar mîŕă bakrišendi;

²¹te vazdino o vast pa le bidaddehko, anda kă atearauas ma nikărdo le krisînitorendar;

²²atunčeara, te pîtărdel muŕo dumo kata e kuštikh, te perăl muro vast thai te linčeaol!

²³Kă darauas le došalimastar le Devllehko, thai našti daštiuas te kărau buti andoa čeačimos Lehkă barimahko.

²⁴Te thodino muŕo pateaimos ando sumnakai, te phendino le sumnakahkă:; Tu san muŕo ajukărimos”;

²⁵te dino ma baro le barimastar mîŕă mandimatăngo, le butimastar le bravalimatăngo kai lemas le;

²⁶te dikhlino o kham kana străfealas, o šonuto kana phirălas barimahko,

²⁷thai kana meklem muŕo illo athado vokh garaimastar, kana šudem lengă čiumidimata, nigărindoi muŕo vast koa mui:

²⁸thai kadea te avel khă bezexalimos kai trăbul došaldo le krisănitorendar, kă šudemas ma le Devllestar kolestar opral!

²⁹Te bukurisalino andoa bibaxtalimos mîŕă dušmanohko, kana xutilem bukurimastar kana astardea les o bibaxtalimos,

³⁰me, kai či dem kamimos la šibakă mîŕakă te bezexarăl, te mangăl o mullimos la armaiasa;

³¹kana či phenenas le manuši anda mîŕî çăra: „Kai sî kukoa kai či čeaililo andoa mas lehko?”

³²Te bešlino o străino reate avri, te na pîtărdino o udar te šol pe o phiritorii;

³³te garadino mîŕă bikrisa sar le manuši, thai phandadem mîŕă bezexalimata ando bărkh,

³⁴anda kă darauas le butimastar anda kă darauas le bidikhlimastar le familiengo, nikărindoi ma dural thai bizorako te nakhăn muŕo prago…

³⁵Uf! Te arakahua varekas te ašunel ma! Dikta o čeačimos muŕo, iskălime mandar: te delmanglal Kukoa Asazurallo! Kon dela ma o roimos iskălime mîŕă dušmanostar?

³⁶Kaste phiravau lehko lill po dumo, te phandau les mîŕă čikatestar sar khă kununa;

³⁷te dau les dindimos sa le pašendar mîŕă, te pašuau lestar sar khă rai.

³⁸Kana e phuw çîpil pa mande, thai kana lehkă kotora šorăn iasfa;

³⁹kana xalem lesti roada bi te potinau, thai kana tristosardem o dii le phură stăpînengo:

⁴⁰atunčeara te bareon kanŕă pe leste ando than le divehko, thai neghina ando than le orzohko!” O gor le divanurengă le Iovohkă.