Read Kalderash Romani Cornilescu Bible 2020 (Romania) Iov 33 Bible Online

Iov 33 - Kalderash Romani Cornilescu Bible 2020 (Romania) bible

Iov 33

¹Akana kadea, Iov, ašun le divanuri mîŕă, le godi ka sal divanuri mîŕă!

²Dikta, pîtrau o mui, mištil pe mîŕî šib ando taloi le mohko.

³Ujimasa andoa illo dauaduma, le ušt mîŕă phenena o čeačimos ujo:

⁴O Duxo le Devllehko kărdea ma, thai o phurdimos Kolehko Asazurallo del ma čivava.

⁵Kana daštis, demaanglal, nikăr teo čeačimos, av gata!

⁶Agloa Dell me sîm teo semeno, thai me sar tute samas kărdine andai čikh.

⁷Kadea e dar mandar či biujearăla tu, thai o pharimos muŕo či pherăla tu.

⁸Ta tu phendean ande muŕo ašundimos, thai ašundem o bašimos te divanurengo:

⁹„Sîm ujo, sîm bi bezexako, sîm bi bezexalo, nai bikrisako ande mande.

¹⁰Thai o Dell rodel doš bidikhlimahko pa mande, dinel ma sar khă dušmano Lehko;

¹¹Thol mîŕă pînŕă andel buturuji, pîndil sa mîŕă mištimata.”

¹²Dauatuanglal kă koče nai tu čeačimos, kă o Dell sî mai baro sar o manuši.

¹³Kames dară te xas tu Lesa, anda kă či del dindimos sokoiekhăhkă pala kărdimos Lehko?

¹⁴O Dell delduma kadea, kana andekh moda kana ande aver, ta o manuši či lel sama.

¹⁵O delduma andal sune, andal vedenii la reateakă, kana le manuši sî tasadine andekh lindri andă, kana soven ande lengo pato.

¹⁶Atunčeara O del le phendimata, thai sîkavel lengă Lehkă sîkaimata,

¹⁷kaste durearăl le manušes katoa nasul, thai te arakhăles barimatahko,

¹⁸kaste arakhăl lehko duxo la groapatar thai e čivava le maladimatăndar la sabiakărăstar.

¹⁹Thai andai dukh sî xalino o manuši ande lehko thanoro, kana khă mardimos biatărdimahko kovlearăl lehkă kokala.

²⁰Atunčeara sî lehkă grçomos le manŕăstar, orta i le kotorăndar le mai alosardendar.

²¹O mas čioraol lehkă thai xasaol, le kokala kai či mai dikhănas pe ašen nangă;

²²lehko duxo pašol la groapatar, thai čivava le phenditorendar le mullimahkărăndar.

²³Ta kana arakhadeo khîă înjero maškaitorii anda leste, iekh anda le mii kodola, kai phenen le manušehkă o drom pe sao trăbun te phirăn,

²⁴O Dell falesmilla lestar thai phenel le înjerohkă: „Skăpisar les, kaste na ulel ande groapa; arakhlem khă lov potindimahko anda leste!”

²⁵Thai atunčera lehko mas kărdeol pe mai iwand sar kana sas šaoŕoro, amboldel pe kal des lehkă tărnimahkă.

²⁶Rudil pe le Devllehkă thai o Dell sî lehkă lašimasa, mekă les te dikhăl Lehko mui bukurimasa, thai deles parpale o bidošallimos.

²⁷Atunčeara o dilabal anglal manuši thai phenel: „Bezexardem, ušteadem o čeačimos, thai či sîmas došaldo palal kărdimata mîŕă;

²⁸O Dell skăpisardea muŕo duxo, kaste na šol pe ande groapa, thai mîŕî čivava dikhăl e lumina.

²⁹Dikta, kadala kărăle o Dell, duarăs, trivarăs, le manušehkă,

³⁰kaste vazde les andai groapa, kaste străfearăles la luminasa kolendi le juwidendi.

³¹Le godi, Iov, thai ašun ma! Ašimuto, thai dauaduma!

³²Kana sî tu vareso phendimahko, demanglal! Deduma, kă sahkă kamau te dau tu čeačimos.

³³Kana nai tu khanči phendimahko, ašun ma! Ašimuto, thai sîkavaua tu o xaraimos.”