Read Kalderash Romani Cornilescu Bible 2020 (Romania) Iov 38 Bible Online

Iov 38 - Kalderash Romani Cornilescu Bible 2020 (Romania) bible

Iov 38

¹O Dell deanglal le Iovos andoa maškar le barăbrîšindehko, thai phendea:

²„Kon sî kukoa kai kalearăm Mîŕă planurea, andel divanuri bi prinjeandimahkă?

³Phande teo maškar sar khă zurallino, ta Me te pušau tu, thai tu te sîkaves Ma.

⁴Kai sanas tu kana kărdem e phuw? Phen, kana sî tu prinjeandimos.

⁵Kon mothodea lakă măsurii, jeanes? Or kon tinzosardea o šello le măsurimahko pa late?

⁶Pe soste nikărdeon le temelii lakă? Or kon thodea lakă o baŕ andoa šero le kolçohko,

⁷atunčeara kana le čeraia le droboimahkă ankalavenas dilaimata bukurimahkă, thai kana sal šave le Devllehkă anklavenas çîpimata vesălimahkă?

⁸Kon phandadea e marea udarănça, kana šudea pe andoa păŕ pehka dako?

⁹Kana kărdem lakă e raxami andal norea, thai pharnoŕă andoa tuneriko;

¹⁰Kana thodem lakă rig, thai kana thodem lakă druguri thai udara;

¹¹kana phendem: „Ji koče te aves, te na nakhăs mai dur; koče te atărdeol teo mîndrimos le valurengo tirăngo?”

¹²Dă kana san, mothodean tu le droboimahkă? Săkadean le zorengă lengo than,

¹³kaste astarăn le gora la phuweakă, thai te činosarăn kolen le jungalen pa late?

¹⁴Ta e phuw te parugleol pe sar o Luto pe sao thol pe khă bokolli, thai sa le butea te sîkadeon xureade sar ande raxami lendi e čeači?

¹⁵Andakaste kola le jungale te aven lipsome la luminatar lendi, thai o vast kolengo kai vazden pe te avel linčeardo?

¹⁶Tu šutean tu ji kal isvoruri la mareakă? Or phirdean tu andal fundrea le andraimahkă?

¹⁷Pîtărdi'le tukă le udara le mullimahkă? Or dikhlean tu le udara la ušaleakă Le mullimahkă?

¹⁸Tidean tu le dikhlimasa soa tinzomos la phuweako? Deduma, kana jeanes sa kadala butea.

¹⁹Kai sî o drom kai nigrăl koa than la luminako? Thai o tuneriko kai sî les o bešlimos?

²⁰Daštis te phirăs pala lende ji ka lengo than, thai te prinjeanes le droma lengă thanehko?

²¹Jeanes, kă atunčeara sanas kărdo, thai o dindimos te desăngo sî baro!

²²Arăslean tu ji kal odăii le iwehkă? Dikhlean tu le odăii le baŕăhkălebrîšindehkă,

²³kai garavau le andal čirurea le strandimatahkă, andal des le mardimahkă thai le marimahkă?

²⁴Pe sao drom xulavel pe e lumina? Thai pe sao drom phaŕadeol e bravall katarolulludearimos pai phuw?

²⁵Kon pîtărdea khă than thawdimahkă le brîšindehkă, Thai sămnosardea o drom le trănetohko thai le bašimahkoando Dell,

²⁶andda kaste perăl o brîšind pe khă phuw bi bešlitorengo, pe khă pustio kai nai manuši;

²⁷anda kaste čeaileol le thana le pustii thai šukă, thai kaste kărăl te lulluzdearăl thai te anklel e čear?

²⁸Sî le brîšindes dadd? Kon del kardimos le piteaimatăngă le iasfăngălačeareakă?

²⁹Anda kahko bărkh anklel o pao, thai kon kărăl e buŕ le čerestii,

³⁰ta le paia te thuleon sar khă baŕ, thai o mui le andraimahko te zureaoll?

³¹Dašti ze kărăs nodo tu le phanglimata la Khaineoŕakă, or te pîtrăs le šele le Orionohkă?

³²Tu kărăs te anklel koa čiro lengo le sămnuri le zodiakohkă, thai tu trades O Riši o baro lehkă puiença?

³³Jeanes tu le krisa le čerehkă? Or tu lašarăs o stăpînimos pai phuw?

³⁴Vazdes tu teo mui ji kal norea, kaste akharăs te garaven tu nanilašuri paiehkă?

³⁵Dašti tu te šudes le trăneturea, kaste jeantar? Phenen tukă on: „Dikta ame?”

³⁶Kon thodea o xaraimos ando kalimos le norengo, or kon dea prinjeandimos le kărimahkă le čerehko?

³⁷Kon dašti te dinel le norea le xaraimasa, thai te delomuial le burdufurea le čerurengă,

³⁸anda kaste lel e poši te kărăl čikh, thai le golomozurea la phuweakă te astardeon andekhthan?

³⁹Tu našaves o xamos andai leoaika, thai tu atărdearăs e bokh le puiendi le leiendi,

⁴⁰kana bešen kovari ande than lengo, kana bešen koa pîndimos ka lengo thanoŕo?

⁴¹Kon lašarăl le korbohkă o xamos, kana lehkă pui çîpin karing o Dell, kana phirăn xasarde thai bokhale?